Neemiya 4:7 - Amazwi Yakwe Leza 2013

⁷ Lelo lino Sanibalati, Tobiya, Alungwana, aina Amoni na ina Asyidodi yuvwa ukuti umulimo wakukuula ilinga waya apankolelo, nu kuti imbali zyonsi zyaongolwilwe zyatizikuulululwa iyasoka wakwe cimwi.

Neemiya 4:7 交叉參考

Neemiya 4:1

Walanga Sanibalati uvwa ukuti twatitukuululula ilinga, awe mukwai atandika ukuluula sile uku ukali. Aatumfya Ayuda.

Neemiya 2:10

Lino Sanibalati umwina Holoni na Tobiya umwina Amoni yuvwa umulandu uu, yene yasoka apakulola ukuti kwiza umuntu umwi uwa kuzifya uwikazi wa ina Izlaeli.

Umbwilo 12:17

Cizoka cisokela mwanaci cuze, nga cipita ku kulwisya ana yakwe onsi, ku antu yonsi akayela masunde yakwe Leza, nupya akapeela umboni wa pali Yesu.

Milimo 5:33

Lino amwi Tengo yuvwa cii, yasoka cuze, cakuti yasolola kuti atumwa yakomwe.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Amosi 1:8

Ndalovya umwene wino akateeka umusumba wa Asyidodi, kumwi na wiyo alemile intuwa ya wene waku Asyikeloni. Indasyunola umusumba wa Ekiloni ni kasa lyane mpo, na ina Filisti yonsi asyala ndayakomola kumwi.” Avino Yawe Simwandalali wavwanga.

Neemiya 2:19

Lelo lino Sanibalati umwina Holoni, Tobiya intunguluzi ya ina Amoni na Alabu wino yamanga Gesyemu, lino yuvwa umulandu uu iyiza kunotuli, iyatandika kututumfya yati, “Mukucita cani kuno? Simanye mukulonda musangukile umwene Alitakisesi?”

Ezila 5:8

“Icansambu ukumanyisya mwene ivikucitika mu muputule wa mpanga yaku Yuda. Twaile kweneko twazana ukuti Ng'anda yakwe Leza mukulu ikukuulwa na mawe acipezya mano, ni mbao zyamutengo zikufyantikwa apakasi. Incito ikuombwa ningo sana nupya ikuya apankolelo.

2 Milandu 20:1

Pacisila ca nsita imwi, aina Moabu na ina Amoni nga na yamwi aina Meuni yiza ku kulwa inkondo na Yeosafati.

2 Yamwene 24:2

Yawe ali pakutumila Yeoyakimu ivita vya nkondo ukufuma uku Babiloni, uku Asilya, uku Moabu, pamwi ni vya ina Amoni, apakuti viye vikonone impanga ya Yuda, wakwe muno yakasema, aomvi yamwene yalandile ukuti ali muno Yawe alacitila.

1 Samueli 11:2

Nawe Naasyi umwina Amoni aasuka ati, “Kwene ukupangana tungapangana cipangano, lelo suka sile intale intonkole cila muntu apakasi kinu ilinso ilya kuli ndilo, pakuti ciletele aina Izlaeli umuzewanya.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Amosi 3:9

“Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Neemiya 4:6

Lyene naswe ali vino twatwalilile ukukuula ilinga cipya cipya, nalyo lisuka lifika icimo ca muntu apakasi, apamulandu wakuti antu yalemine nu kwika umwenzo uku mulimo.

Neemiya 4:8

Fwandi yonsi yumana kapi kuti yize yalwisye Yelusalemu nu kuleta icimvulunganya mwenemo.

Neemiya 6:16

Lino anisi itu yonsi aikalanga mu mpanga izyazingulwike yuvwa ukuti twamalila uku kuula, nu kulola yailolela, yazunguka wakwe cimwi nu kutovoka, pamulandu wakuti yilwike ukuti Leza witu uwazwilizyanga kuti umulimo uu uombwe.

Yelemiya 41:10

Nga alino lyene Isumeli wiyo asenda antu yonsi yano yasile ku Mizipa na ana yamwene yakaci, yano Nebuzaladani umukalamba wakwe yakalinda ya mwene wasile kuli Gedaliya umwana wakwe Aiikamu pakuti ayasunde. Isumeli umwana wakwe Netaniya akatuka katondo tondo nu kulambila ku ina Amoni.