Neemiya 3:30 - Amazwi Yakwe Leza 2013

³⁰ Uwalondelile penepo, a Hananiya umwana umonsi wakwe Syelemiya na Hanuni umwana umonsi wakwe Zalafi, wakwe mutanda apa yonsi. Nawe azifya imbali yuze. Uwali umu pipi nawe, a Mesyulamu umwana umonsi wakwe Belekiya. Wene wazifizye imbali yuze umu pipi ni ng'anda yakwe.

Neemiya 3:30 交叉參考

Neemiya 3:29

Uwalondelile penepo, a Zadoki umwana umonsi wakwe Imeli. Wene uwazifizye imbali yuze apankolelo ya ng'anda yakwe. Yapalamine na Syemaya umwana umonsi wakwe Syekaniya, kalinda wa Mpongolo yaku Ufumondaka. Nawe azifya imbali yuze iyalondelilepo.

Neemiya 3:31

Uwalondelile penepo, a Malikiya, kasula wa vyela vyakwe zaabu. Wene wazifizye imbali yuze mpaka ukufika uku ng'anda ya aomvi aku Ng'anda ikulu yakwe Yawe nu ku ng'anda ya aculuzi, ulunga ni Mpongolo yakwe Yakalinda, ukufika napa muputule wa papela yi tungi.

Neemiya 3:4

Melemoti, umwana umonsi wakwe Uliya, mwizikulu Hakozi, nawe azifya imbali yuze iyalondelelapo. Mesyulamu umwana umonsi wakwe Belekiya, umwizikuli wakwe Mesyezabeli, nawe azifya imbali yuze iyalondelelapo. Zadoki, umwana umonsi wakwe Baana, nawe azifya imbali yuze iyalondelelapo.

Neemiya 6:18

Alino nu kuya aingi yavukilanga uku lusansa lwakwe apamulandu wakuti wali a sivyala Syekaniya umwana wakwe Ala, nga Yeonani umwana wakwe uwatwite umwana wakwe Mesyulamu, umwana wakwe Belekiya.

Neemiya 13:13

Alino nsolola yaa kuti yaye akasunga ya cuma: simapepo Syelemiya, kalemba Zadoki nga na Pedaiya, wenga uwamu ina Levi, ukwikapo na kazwilizya wao Hanani, umwana umonsi wakwe Zakuli, uwamu mupanda wakwe Mataniya, pano namanyile ukuti antu yaa atailwe. Yapilwe umulimo wakwankanya vyamusangulo ku yaomvi yauze.