Neemiya 3:24 - Amazwi Yakwe Leza 2013

²⁴ Uwalondelile penepo a Binui umwana umonsi wakwe Henadadi. Wene uwazifizye imbali yuze, ukutandikila ku ng'anda yakwe Azaliya mpaka ukufika na pa mulyango wi tungi.

Neemiya 3:24 交叉參考

Neemiya 3:19

Uwalondelile penepo, a Ezeli umwana umonsi wakwe Yesyua, uwateekanga uku Mizipa. Wene uwazifizye imbali yuze iyalungatine nu mulundu wa ng'anda ya vyanzo, ukusendana ni ca kwi tungi li linga.

Neemiya 10:9

Aina Levi yali a Yesyua umwana umonsi wakwe Azaliya, Binui uwamu mutundu wa ana aonsi yakwe Henadadi, Kadimiyeli,

Neemiya 3:27

Alondelile pali Pedaiya na auze, a Tekoa, uwazifizye imbali yuze ulunga nu lupungu lutali, mpaka ukufika ukwi linga lya Ofeli.

Neemiya 3:11

Malikiya umwana umonsi wakwe Halimu na Hasyubu umwana umonsi wakwe Paati Moabu, nayo yazifizye imbali yuze iyalondelelapo nga nu Lupungu lwa Vitofu.

Neemiya 3:23

Yano yalondelile penepo yali a Benjamini na Hasyubu. Yene yazifizye imbali yuze ulunga na mang'anda yao. Alino palondelela Azaliya, umwana umonsi wakwe Maaseya, umwana umonsi wakwe Ananiya. Wene uwazifizye imbali yuze apipi ni ng'anda yakwe.

Ezila 3:9

Yesyua na ana yakwe aonsi nga na ina yakwe na Kadimiyeli na ana yakwe aonsi (kuli kuti amu mupanda wakwe Hodaviya) nga na ana yakwe Henadadi nga na ana na ina yao, yonsi kwene aina Levi, iyuminkana pamwi umu kwangalila yao aombanga umulimo wi kuule lya Ng'anda ikulu yakwe Leza.

Neemiya 10:10

na aomvi yauze aina Levi yaa: Syebaniya, Hodiya, Kelita, Pelaya, Hanani,