Neemiya 3:19 - Amazwi Yakwe Leza 2013

¹⁹ Uwalondelile penepo, a Ezeli umwana umonsi wakwe Yesyua, uwateekanga uku Mizipa. Wene uwazifizye imbali yuze iyalungatine nu mulundu wa ng'anda ya vyanzo, ukusendana ni ca kwi tungi li linga.

Neemiya 3:19 交叉參考

2 Milandu 26:9

Ukongezya pali vii, Uziya wakuuzile impungu mu Yelusalemu apa mpongolo ya pitungi, na pa Mpongolo ya Cifoloma nga na pa mung'ong'o wa lung'umba nga azikuulilila amalinga.

Neemiya 12:8

Aina Levi yali ndi vii: Yesyua, Binui, Kadimiyeli, Syelebiya, Yuda nga na Mataniya kwene, pamwi na aomvi yauze, wiyo uwangalilanga imimbile ya nyimbo zyakutaizya.

Neemiya 10:9

Aina Levi yali a Yesyua umwana umonsi wakwe Azaliya, Binui uwamu mutundu wa ana aonsi yakwe Henadadi, Kadimiyeli,

Neemiya 3:15

Syaluni umwana umonsi wakwe Kolioze, uwateekanga citungu ca Mizipa, uwakuuzile Mpongolo ya Kafukoka. Aikuululula nga aikapo ni paala, ni visasa alino ni mifikilo yaviko. Akuula ni linga ukufika nu ku Ciziya ca Siloamu apipi ni calo ca mwene, ukufuma uku utampilo mpaka ukufika nu ku mpela ya musumba wakwe Davidi.

Neemiya 3:18

Alondelile penepo, akumwao azifizye imbali yuze. Intunguluzi yao wali a Bavai umwana umonsi wakwe Henadadi, uwateekanga citika wa citungu cuze ca Keila.

Neemiya 3:24

Uwalondelile penepo a Binui umwana umonsi wakwe Henadadi. Wene uwazifizye imbali yuze, ukutandikila ku ng'anda yakwe Azaliya mpaka ukufika na pa mulyango wi tungi.