Neemiya 2:18 - Amazwi Yakwe Leza 2013

¹⁸ Alino njanena navino umwene Leza uku luse lwakwe watangazwa nu kuyalandila amazwi yano umwene Alitakisesi wanenyile. Nayo iyatandika papo kwene ukupunda, iyati, “Katutandike ukukuula.” Nao yaasuka yati, “Lekini tutandike uku kuula cipya cipya.” Acino yaiteyanya ukutandika umulimo uu usuma.

Neemiya 2:18 交叉參考

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

2 Milandu 32:5

Umwene Hezekiya akomelezya ni uvi lyakwe ukuti yapinde ningo nu kulungisya ilinga lya ciumba nu kupanga ulupungu apapela ni ciumba na cuze ica kunzi. Ukulunda penepo alungisya ni cimpinda kuno caongolwike mpiti ku musumba wakwe Davidi. Alino apangila penepo ivyanzo navyuze ivili wa masumo ni visyangu.

1 Milandu 19:13

Posya sile nga ulwe iconsi, pamulandu wa antu itu ni misumba yakwe Leza witu. Yawe alacita icingamuzanzya.”

Efeso 6:10

Mukusyalikizya, lekini maka yakwe Leza yamukomelezya.

Ezila 6:22

Apa manda cinimbali aina Izlaeli iyazevya nu luzango Cimulo ca Mukate usi na citutumusi, pamulandu wakuti Yawe walenzile kuti yazange apakutonsya umwenzo wa mwene waku Asilya kuti ayakomelezye umu mulimo wa kukuula Ng'anda ikulu yakwe Yawe, Leza wa ina Izlaeli.

2 Samueli 2:7

Kwatini amaka nu kuzyansya! Saulo umwene winu watafwa, nga antu yakwe Yuda yatiyampaka amafuta akunjika pa cilimba ca wene kuti inje umwene wao.”

1 Milandu 11:10

Uu uli utantiko wa asilika alumbuke yakwe Davidi. Yakwene pali pamwi na ina Izlaeli asyala yazwilizye Davidi ukuya umwene, ndi muno Yawe walavile. Nga yazwilizye nu kukomya uwene wakwe.

1 Samueli 23:16

Yonatani umwana wakwe Saulo nawe aya kuli Davidi ku Holesyi nga amukomelezya ni visininkizyo vya kucingililwa na Leza ati,

Neemiya 2:8

Alino na kalata wakuyapeela Asafu, kasunga wa mutengo wa mwene apakuti ace aka mpeele imiti iyakulepula imbao izya kuti ince mpangile impongolo zya Ng'anda ikulu yakwe Leza, ni zi linga lya musumba alino ni zya ng'anda yane kwene. Fwandi vyonsi vivyo umwene wanzumilizye apakuzana ukuti uluse lwakwe Leza lwali nani.