Neemiya 2:12 - Amazwi Yakwe Leza 2013

¹² nga alino nakatwike usiku, ala tuli na antu yamwi. Intayanenyile vino Yawe Leza wane aisile umu mwenzo wane, ivya kucitila Yelusalemu. Ntakweti citeekwa nanti conga suka sile punda wino nakwezilepo.

Neemiya 2:12 交叉參考

Umbwilo 17:17

Pano Leza wiika mu myenzo yao kuti yafikilizye kulonda kwakwe na kuti yawikizyanye nu kupeela uwene wao ku cilyanyi kufika lino mazwi yakwe Leza yalafikiliziwa.

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Amosi 5:13

Uli mulandu apa nsita yamusango uu, umuntu wa mano akaikala cele, pasi pano yene ili nsita imwi iipisye.

Kasambilizya 3:7

Kwaya insita ya kulepola ni nsita ya kusuma, kwaya insita ya kwikala cele ni nsita ya kuvwanga.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Masamu 51:18

We Leza, uku luse lwako ungakomelezya Zioni, apakuti ilinga lyaku Yelusalemu, likulwe cipya cipya.

Yakapingula 9:32

Acino fwandi ukatuke pamwi na antu yako usiku, muye mukafisame umu mpanga.

Yakapingula 6:27

Acino Gidyoni atoola aomvi yakwe ikumi nga iyacita vino Yawe wamunenyile. Wene wofile ang'anda yakwe na antu amu musumba ulya, cakuti aposiwa ukucita vivyo umusanya. Caleka acita usiku.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Mateo 2:14

Caleka Yosefu akatuka usiku atoola mwana na nyina, nga apita ku Eguputo.

Mika 7:5

Utataila mu mwinipamba, nanti ukusintilila muli cuza wako. Utekele pa mazwi yano ungavwanga nanti alilyo lino ukuvwanga ku wako.

Yoswa 10:9

Pacisila ca kupita usiku onsi ukufuma ku Giligali, Yoswa ayapumikizya pa kuyazanza.

Neemiya 2:11

Walanga nafika uku Yelusalemu, ntala nikala amanda yatatu

Neemiya 2:13

Lino caya usiku impita apa Mpongolo ya Cifoloma indungama ku Mpongolo ya Citumba. Nceceta muno ilinga lya Yelusalemu lyaongoloka na vino impongolo zyapya uku moto.

Mapinda 12:23

Umuntu mucenjele akafisa amano yakwe, lelo iviwelewele vyene vikalanga uwelewele wakwevyo apaswe.