Neemiya 13:19 - Amazwi Yakwe Leza 2013

¹⁹ Uli mulandu uno napiile ilamulo kuti lino ilanzi lyatilyawa, apa nsita ino Sabata litatala lyatandika, yayala mpongolo zyamu Yelusalemu mpaka kukusila kwi Sabata. Alino nika yakalinda apa mpongolo akulesya ukwingizya nu kufumya vya uculuzi vyonsi api Sabata.

Neemiya 13:19 交叉參考

Aina Levi 23:32

Kutandika lino ilanzi lyawa pa wanda uwalenga fundimbali, uwa mwezi uwo, nu kufika ku kuwa kwi lanzi pa wanda uwalenga ikumi mwasunga uwanda uu, uwanda wa kupuza nupya uno mutalinzile ukulya nanti cintu cimwi.”

Neemiya 7:3

Nayapile ni lamulo inti, “Mwayula sile impongolo zya musumba wa Yelusalemu lino kwakaya, nupya mwayala nu kupikilizya ningo lino yakalinda yacilipo lino ilanzi litali liwe. Nupya mwatola yakalinda ukufuma sile umu ikazi amu Yelusalemu. Yamwi yali nu kulalinda pano yayasontelela ukuya umu kulinda, alino yamwi apipi na mang'anda yao.”

Aina Levi 23:22

“‘Lino mukuzombola mu vyalo vinu, mutazombola ivyakulya vinu mpaka kufika nu mumbali ya vyalo vinu. Nupya mutaswilila ku kuzombola ivyakulya vino mwasya mu mbali ya vyalo vinu. Ivyakulya vino mwasya mu mbali ya vyalo vinu mwasila apina na inamasi. Yawe a Leza winu.’”

Yoane 5:10

Caleka intunguluzi zya Ciyuda zimunena ziti, “Ilelo uwanda wi Sabata, nupya citaine na Masunde itu kuti wemo usende citala cako.”

Neemiya 13:20

Cii calenzile ukuti aculuzi akazyanga vya uculuzi vya misango na misango yalala ukunzi ya musumba wa Yelusalemu uwanda onga nanti amanda yaili.