Neemiya 13:13 - Amazwi Yakwe Leza 2013

¹³ Alino nsolola yaa kuti yaye akasunga ya cuma: simapepo Syelemiya, kalemba Zadoki nga na Pedaiya, wenga uwamu ina Levi, ukwikapo na kazwilizya wao Hanani, umwana umonsi wakwe Zakuli, uwamu mupanda wakwe Mataniya, pano namanyile ukuti antu yaa atailwe. Yapilwe umulimo wakwankanya vyamusangulo ku yaomvi yauze.

Neemiya 13:13 交叉參考

Neemiya 7:2

Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

2 Yamwene 22:7

Lelo antu yaya yakakuula, yene yali antu yamwi afumaluke sana. Ali cino fwandi yatalinzile ukuyuzya umusango uno impiya zikusumbilwamo.”

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

Milimo 6:3

Caleka inane, sololini antu cinimbali amunomuli, azuziwamo na Mupasi Wamuzilo na mano, yano tumapela uwangalizi pa mulimo uu.

Milimo 6:1

Mu manda yalya lino alondezi yavulilangako, Ayuda avwanganga Cigiliki yailizyanya pa Ayuda avwanganga Ciyebulai pano yali na kasoozi pali yamukamfwilwa yao pa kuntayankanyako vino yulilwe cila wanda.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

2 Yamwene 12:15

Alino nanti ukusakamikwa yatasakamikwe foo, pano antu yano yapiile umulimo wakulolekesya pali vii yali acumi nupya afumaluke.

1 Timoti 3:10

Nkolelo yene yalinzile kweziwa nu kusininkiziwa. Ndi cazanwa ukuti kusi kutwisika ku mazina yao, lyene yangaomba.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Milimo 4:35

yaleta nu kuzipela ku atumwa, nga nao yankanya kuli cila muntu kulingana nu kuulilwa.

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Neemiya 12:35

Yamwi muli yasimapepo alizyanga intandala yali ndi vii: Zakaliya umwana umonsi wakwe Yonatani, umwana umonsi wakwe Syemaya, umwana umonsi wakwe Mataniya, umwana umonsi wakwe Mikaya, umwana umonsi wakwe Zakuli, umwana umonsi wakwe Asafu.

Neemiya 11:22

Kapitao wa ina Levi ku Yelusalemu wali a Uzi umwana umonsi wakwe Bani, umwana umonsi wakwe Hasyabiya, umwana umonsi wakwe Mataniya, umwana umonsi wakwe Mika. Wene wali a wenga uwamu mupanda wakwe Asafu, uwali a kiimba wa nyimbo zino yimbanga mu Ng'anda ikulu yakwe Leza.

Neemiya 10:12

Zakuli, Syelebiya, Syebaniya,

Neemiya 8:4

Ezila wimilile apa cipango ca mbao cino yateinye apamulandu kwene uu, uwakuwelengela antu Lupapulo lwa Masunde. Apa mbali nawe ukwilunji lyakwe paimi Matitiya, Syema, Anaya, Uliya, Hilikiya, na Maaseya. Nga ukwimani lyakwe paimi Pedaiya, Misyaeli, Malikiya, Hasyumu, Hasyibadana, Zakaliya na Mesyulamu.

Neemiya 3:30

Uwalondelile penepo, a Hananiya umwana umonsi wakwe Syelemiya na Hanuni umwana umonsi wakwe Zalafi, wakwe mutanda apa yonsi. Nawe azifya imbali yuze. Uwali umu pipi nawe, a Mesyulamu umwana umonsi wakwe Belekiya. Wene wazifizye imbali yuze umu pipi ni ng'anda yakwe.

Neemiya 10:38

Simapepo, uwamu mupanda wakwe Aaloni alinzile aye pamwi na ina Levi lino yakupokelela icikumi cico, nga aina Levi nayo yalinzile ukwiza ni cikumi capa cikumi uku Ng'anda ikulu yakwe Leza witu, uku miputule yakusungilako iviya.

2 Yamwene 12:16

Ulupiya ulwapelwanga uku kulipa ku milandu nanti uku kuzifya vino vyativivulungana, lwene yatalutwalanga ku Ng'anda ikulu yakwe Yawe. Lelo lwayanga sile kuli yasimapepo.