Neemiya 13:1 - Amazwi Yakwe Leza 2013

¹ Pa wanda kwene ulya Lupapulo lwakwe Mose lwawelenzilwe ala antu yonsi yakuuvwa. Ali pakuzana pano calembwa ndi vino umwina Amoni nu mwina Moabu ali wensi atalatala aezye ukwingila mwi uvi lya antu yakwe Leza.

Neemiya 13:1 交叉參考

Neemiya 9:3

Cila muntu aimilila apa ncende yao, ala yakuyawelengela mu Lupapulo lwa Masunde yakwe Yawe Leza wao. Apa nsa zitatu ala yakuwelenga nu kupituluka umu Masunde yakwe Yawe. Alino nupya apa nsa zyuze zitatu yafukama nu kupepa nu kuilongwela amaifyo kuli Yawe Leza wao.

Neemiya 13:23

Pa nsita kwene iyo nga ndola aikazi yaku Yuda yayo atwite anaci aku Asyidodi, nu ku Amoni nga nu ku Moabu.

2 Yamwene 23:2

Yonsi pamwi ali pakuya ku Ng'anda ikulu yakwe Yawe, kumwi na yasimapepo na yakasema, na antu yonsi aku Yuda na amu Yelusalemu, akama na apina kwene. Yosiya ali pakuwelengela antu amazwi yonsi amu Lupapulo lwa upangano, luno yazanyile mu Ng'anda ikulu yakwe Yawe.

Milimo 15:21

Pano kufuma ku mpiti Masunde yakwe Mose yawelengwa pa manda aingi mu mang'anda ya mapepo cila Sabata, nga na mazwi yakwe yakakosolwa mu misumba yonsi.”

Milimo 13:15

Lyene pacisila ca kuwelenga mazwi amu lupapulo lwakwe Mose nga na zyakwe yakasema, intunguluzi zyamu ng'anda yamapepo zituma mazwi kunoyali ziti, “Ina itu, ndi muli na mazwi yamwi akukomelezya antu, vwangini.”

Luka 10:26

Yesu nawe amuuzya ati, “Uzye malembelo yakati uli? Uzye ukauvwa uli ndi wawelenga?”

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Yelemiya 48:1

Pamulandu wa ina Moabu Yawe Wamaka yonsi, Leza wa ina Izlaeli, walanda wati, “Kalanda ku musumba wa Nebo, wasanguka ulwanga. Kilyataimu yalamupupanya nu kumupoka. Ilinga lyauko lyamaka yalalipupanya nu kulitamola.

Ezaya 34:16

Londa nu kuwelenga umu lupapulo lwakwe Yawe, lwa vintu vyaumi. Muwelenge mumazana ukuti pali vyonsi pasikuulilwa nanti conga. Nupya vyonsi vimayanga viili viili, iconsi ni cakaci. Yawe aliwe kwene wakomailanga ukuti ciye vivyo kwene. Umwisikulu aliwe alavikonganika pamwi.

Neemiya 4:3

Nga alino Tobiya umwina Amoni, wino wali umupipi nawe, avwanga ati, “Lekini yakuule, tuyalozye! Pano kwene ndi cakuti nkusa wimilile api linga lino yakukuula, lingaongoloka sile!”

Neemiya 2:19

Lelo lino Sanibalati umwina Holoni, Tobiya intunguluzi ya ina Amoni na Alabu wino yamanga Gesyemu, lino yuvwa umulandu uu iyiza kunotuli, iyatandika kututumfya yati, “Mukucita cani kuno? Simanye mukulonda musangukile umwene Alitakisesi?”

Neemiya 2:10

Lino Sanibalati umwina Holoni na Tobiya umwina Amoni yuvwa umulandu uu, yene yasoka apakulola ukuti kwiza umuntu umwi uwa kuzifya uwikazi wa ina Izlaeli.

Mpendwa 22:5

atuma inkombe zyakuya ama Balamu umwana wakwe Beoli, wino wali ku Petoli, pipi nu Luzi lwa Yufulate mu mpanga ya kumwao, ya Amawu. Amutumila ati, “Umutundu uno wafuma ku Eguputo watiulimba impanga nupya watiwiza iunteyamila.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.