Neemiya 12:44 - Amazwi Yakwe Leza 2013

⁴⁴ Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Neemiya 12:44 交叉參考

Loma 12:7

Ndi twapelwa uwila wa kutumikila, mu cumi tulinzile kutumikila. Ndi twapelwa uwila wa kusambilizya, mu cumi tulinzile kusambilizya.

Ezaya 40:31

Lelo kuli yayo akataila muli Yawe awe cumi yene amaka yao yakaweluluka. Yakakatuka na maka wakwe lyang'anda, na lino yavulumuka ulwilo yasitonta. Na lino yakupita sile, nalyo kwene amaka yao yasisila.

Mapinda 8:34

Walongo umuntu akanguvwa, wiyo akaikala manda pe pa mulyango wa ng'anda yane, wiyo akalolela apa wingililo wane.

1 Milandu 23:28

Umulimo wa ina Levi wali uwakwazwa amu mupanda wakwe Aaloni mu kutumikila mu Ng'anda ikulu yakwe Yawe. Ukusunga imisolo ni miputule yakweyo, ukuswefya ivintu vyonsi vyamuzilo nu kuomba imilimo yuze yamu Ng'anda ikulu yakwe Yawe.

1 Milandu 9:26

Lelo aina Levi yamwi yani, yao ali intunguluzi zyakwe yakalinda yapa mpongolo, yapilwe umulimo wakusunga imiputule ya Ng'anda ikulu yakwe Yawe kumwi ni vyuma vya mwenemo.

Mpendwa 3:10

Ali cino uce uwasonta sile Aaloni na ana yakwe ukuomba umulimo wa usimapepo. Muze wino alezya ukuomba umulimo uwo alinzile kukomwa.”

Malango 18:8

Wene alinzile kupelwa cipimo icili cimwi ca vyakulya ndi cico cikapelwa kuli yasimapepo yauze, nupya wene angasunga icili consi cino ang'anda yakwe yamutumila.

1 Milandu 26:20

Yauze amu ina Levi yawakanga icipao ca Ng'anda ikulu yakwe Yawe nga ni ng'anda zya kusungilamo ivintu vyapaatwilwa Leza.

Neemiya 10:36

Tulaapeela kuli Leza witu ana itu amayeli aonsi. Ana mayeli ya ng'ombe na amfwele kwene, na mbuzi, tulayatwala kuli yasimapepo akatumikila mu Ng'anda ikulu yakwe Leza, ndi vino calembwa mu Masunde.