Neemiya 12:39 - Amazwi Yakwe Leza 2013

³⁹ Kufuma papa twiza tupuzya pa Mpongolo yakwe Efulemu, Mpongolo ya Yesyana, Mpongolo ya Nswi, pa Lupungu lwa Hananeli, pa Lupungu lwa Myanda, mpaka kufika nu ku Mpongolo ya Mfwele. Pakumalila itufika ku Mpongolo yakwe Yakalinda.

Neemiya 12:39 交叉參考

Neemiya 3:1

Simapepo Mukulu, Elyasyibu pamwi na yasimapepo yauze yakatuka iyatandika nu kukula cipya cipya Impongolo ya Mfwele. Apacisila cakuipolelela iyapanga fulemu wa pa mulyango alino iyikapo ni cisasa. Lyene iyapanga ni mifikilo ningo nga alino iyatwalilila ukukuula ukufika ku Mpongolo ya Mwanda suka iyaya iyafika uku Lupungu lwa Hananeli.

Neemiya 8:16

Caleka antu nayo yasalangana umu mpanga. Yaweluluka ni misambo ya mafwa yasakilizya insakwe, cila muntu apipaala lyakwe, pa musolo wakwe, pa musolo wakulilizya Ng'anda ikulu yakwe Leza, apa mulyango wa Mpongolo ya Manzi nga alino napa wingililo wa mpongolo yakwe Efulemu.

Neemiya 3:6

Yoiyada umwana umonsi wakwe Paseya na Mesyulamu umwana umonsi wakwe Besodeiya nayo yazifizye impongolo iyamwangwa ukuti Yesyana yapangila penepo myalo, visasa ni mifikilo ya vyela.

Neemiya 3:3

Amu mupanda wakwe Hasena nayo iyakuula Impongolo ya Nswi. Iyapangilila penepo ni nsondo nu kwika umulyango wakuyalila nga alino ni mifikilo ya vyela.

Neemiya 3:25

Nga palondelela Palali, umwana umonsi wakwe Uzai. Wene uwazifizye imbali yuze ukutandikila pi tungi lya lupungu lwakwi sano lya papela, umu pipi nu musolo wakwe yakalinda. Uwalondelile penepo, a Pedaiya umwana umonsi wakwe Palosyi.

2 Yamwene 14:13

Yeoasyi alema na Amaziya umwene waku Yuda, umwana wakwe Yoasyi, umwana wakwe Aaziya nu kumutwala ku Yelusalemu. Alino Yeoasyi aya aomola ni linga ilyacingilile umusumba wa Beti Syemesyi, lino mu uutali lyali amamita imyanda iili, ukutandikila apa mpongolo yakwe Efulemu ukuyafika apa mpongolo ya cinkonci.

Yoane 5:2

Mu Yelusalemu, pipi ni mpongolo yamwangwa Mpongolo ya Mfwele, mwali ciziya cino mu cilimi ca Ciyuda camwangwa Betisaida, cino cazingulwikwe ni nkungu zisano.

Zefaniya 1:10

Yawe wavwanga wati, “Apa wanda ulya muluvwa inkuuta uku Mpongolo ya Nswi iyamu Yelusalemu, muluvwa impoma ikufuma kwi pamba lipya ilya musumba, muluvwa ni ntinti zikalamba ukufuma mu twamba.

Yelemiya 32:2

Alino ivita vya mwene waku Babiloni vyazingulwike Yelusalemu na kasema Yelemiya nawe wafungililwe mu musolo wakwe yakalinda, lwakwi sano lya mwene wa ina Yuda

Yelemiya 31:38

“Insita iliiza lino umusumba wakwe Yawe ulakuulwa nupya, ukutandikila sile ku Lupungu lwa Hananeli, ukufika nu ku Mpongolo ya Pitungi.

Neemiya 12:40

Acino amaumba yoili yakwe yakiimba yao yataizyanga kuli Leza yafika apipi nu ku Ng'anda ikulu yakwe Leza. Ukulunda penepo apa ntunguluzi izyali pamwi nani,