Neemiya 12:30 - Amazwi Yakwe Leza 2013

³⁰ Lyene yasimapepo na ina Levi yacita ulutambi lwa kuiswefya, nu kuswefya antu alino nu kuswefya impongolo na malinga ya musumba.

Neemiya 12:30 交叉參考

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Ezila 6:21

Acino aina Izlaeli awezile ukufuma ku uzya yalile Cimulo ca Mukate usi na Citutumusi, pamwi na yonsi aipaatwile ku vicitwa vyonsi vya mifitalila vya inipamba Akulukuwa pakuti yangalonda Yawe, Leza wa ina Izlaeli.

2 Milandu 29:5

Lyene avwanga ati, “Tezini mwe ina Levi. Muipaatulule mweisikulu nu kuswefya Ng'anda ikulu yakwe Yawe, Leza wa vikolwe vinu. Sisini ivikowezya vyonsi mu Ncende Yamuzilo.

Kufuma 19:10

Alino Yawe anena Mose ati, “Yanga kanene antu ukuti ilelo na mutondo yaisangulule nu kuiteyanyizizya ku mapepo. Yene yalinzile ukufula vyakuzwala vyao.

Ayebulai 5:3

Wene alinzile kupeela impolelwa pa maifyo ya antu na pa maifyo yakwe kwene.

Ayebulai 5:1

Simapepo Mukulu wensi akasololwa kufuma mu antu yauze. Wene akasontwa kuti atumikile Leza pa kuyazwa, nu kupeela impolelwa na mawila kuti maifyo yelelwe.

Neemiya 13:30

Avino nasangulwile yasimapepo yaa na ina Levi ku vintu vyonsi vya inamasi. Alino nswilizya yasimapepo na ina Levi pa milimo yao apakuti cila muntu amanye nu kuomba ningo umulimo wakwe.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

2 Milandu 29:34

Lelo nanti cali vivyo yasimapepo yali ncepelwa apakufundula inyama zii zyonsi izya mawila yakoca. Acino akazi kao aina Levi yayazwilizya mpaka yamalila umulimo mpaka na yasimapepo yauze yasuka yaswefiwa. Pasi pano aina Levi yasakamile sana ukuisangulula aisikulu ukuluta yasimapepo.

Kufuma 19:15

nupya Mose ayanena kuiteyanya pa wanda uwalenga yatatu, nu kuti pa nsita ii yatalinzile kumanyana pa musanzi.

Utandiko 35:2

Caleka Yakobo anena amu ng'anda yakwe na yonsi ali nawe ati, “Sumbini tuleza twa inamasi tuno muli nato, muisangulule muzwale ivizwalo visuma.

Neemiya 12:29

Kwizile nayauze afumile ku Beti Giligali, ku Geba nu ku Azimaveti, pasipano yakiimba ya nyimbo yali aingi cakuti yakuuzile imisakuta ukuzinguluka Yelusalemu.

1 Milandu 15:14

Acino yasimapepo na ina Levi yaya iyaipaatula pakuti yaye yakawezye Mbokosi ya Upangano yakwe Yawe, Leza wa ina Izlaeli.