Neemiya 12:26 - Amazwi Yakwe Leza 2013

²⁶ Yakwene atumikilanga mu manda ya kuteeka kwakwe Yoiyakimu umwana umonsi wakwe Yesyua, umwana umonsi wakwe Yozadaki, nga numu manda ya mulasi Neemiya na yakwe simapepo Ezila uwali a nyela wa Masunde.

Neemiya 12:26 交叉參考

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Ezila 7:11

Alitakisesi watumile kalata kuli Ezila, simapepo na kalemba umwi umucenjele umu masunde yakwe Leza ni vipope vino wapile ku ina Izlaeli.

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

2 Milandu 9:26

Uwene wakwe walundulwike ukutandikila sile uku Luzi lwa Yufulate mpaka ukufika uku mpanga ya ina Filisti nu ku mupaka waku Eguputo.

Neemiya 8:1

Umu mwezi uwalenga cinimbali aina Izlaeli yonsi pyu iyakongana pamwi kwati akwe nyina wenga, apa nkolelo ya mpongolo iyamwangwa ukuti Mpongolo ya Manzi, uku Yelusalemu. Nga alino iyuzya Ezila nga kalemba na simapepo, kuti alete ulupapulo lwa masunde yakwe Mose yano Yawe wapile aina Izlaeli.