Neemiya 12:24 - Amazwi Yakwe Leza 2013

²⁴ Intunguluzi zya ina Levi zyali ndi vii: Hasyabiya, Syelebiya na Yesyua umwana umonsi wakwe Kadimiyeli, yazwananga na aomvi yauze umu kwimba inyimbo zya kulumbanya nu kucindika ndi muno Davidi kwene umuntu wakwe Leza wilya wapelile ilamulo lyakuti cila umba lilinzile lyakwata uluti lwa kwimba.

Neemiya 12:24 交叉參考

Neemiya 11:17

Mataniya umwana umonsi wakwe Mika, umwana umonsi wakwe Zabidi, umwana umonsi wakwe Asafu, uwatungululanga mapepo ya kutaizya mu Ng'anda ikulu yakwe Leza. Alino na Bakibukiya uwali wakwe ciili pakasi ka aomvi yauze. Alino Abida umwana umonsi wakwe Syamua, umwana umonsi wakwe Galali, umwana umonsi wakwe Yedutuni.

Neemiya 9:4

Apa cintamba ca mbao pimilile aina Levi yaa, Yesyua, Bani, Kadimiyeli, Syebaniya, Buni, Syelebiya Bani na Keenani. Yonsi yaa yapundanga apa kupepa kuli Yawe Leza wao.

Neemiya 8:7

Lyene aina Levi yaa: Yesyua, Bani, Syelebiya, Yamini, Akubu, Syabetai, Hodiya, Maaseya, Kelita, Azaliya, Yozabadi, Hanani na Pelaya, iyalondolwela antu isunde. Lilyo ala antu imilile papa.

Ezila 2:40

Iumba lya ina Levi yano yawelulwike uku uzya: amu luko lwakwe Yesyua na Kadimiyeli (ukupitila muli Hodaviya) yali amakumi cinimbali na yani (74).

2 Milandu 8:14

Solomoni wawakanga sana ivyacitanga isi Davidi. Fwandi nawe wankinye impuka zyakwe yasimapepo umwakuombela incito zyao amanda yonsi. Wankinye na ina Levi aazwilizyanga yasimapepo umu kwimba inyimbo nu kuomba imilimo yuze.

1 Yamwene 17:24

Lyene mangu wilya anena Eliya ati, “Icumi lyene alino namanya ukuti wewe muntu wakwe Leza, nu kuti Yawe akavwangila munuli.”

Yoswa 14:6

Lyene antu amu mutundu wakwe Yuda yiiza kuli Yoswa ku Giligali, nga Kalebu umwana wakwe Yefune umwina Kenizi amunena ati, “Umanyile cino Yawe wanenyile Mose umuntu wakwe Leza ku Kadesyi Banea ica pali wewe nani.

Malango 33:1

Kuu, kuli kupolelela kuno Mose, umuntu wakwe Leza wapolelile aina Izlaeli lino atacili afwe.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

1 Timoti 6:11

Lelo wemo, we muntu wakwe Leza, utakumako ku vintu vii vyonsi viipe. Uwaezya namaka kucita vyaololoke, ukuya wamuzilo, uwa utailo, kutemwa, kuposya, nga nu kufuka.

Neemiya 12:23

Amu mupanda wakwe Levi, makamaka intunguluzi zya ng'anda zyao, zyalemvilwe mu lupapulo lwa milandu mpaka ukwizafika mu manda ya kuteeka kwakwe Yoanani umwana umonsi wakwe Elyasyibu.

Neemiya 12:36

Pali na aomvi yauze ndi vino yaa: Syemaya, Azaleli, Milalai, Gilalai, Maai, Netaneli, Yuda na Hanani. Yakwene yanyemulanga ivyakulizizya inyimbo, vyapanzilwe na Davidi umuntu wakwe Leza wilya. Kalemba Ezila uwatungululanga.

1 Milandu 16:4

Alino asonta aina Levi yamwi kuti yatumikila apa kutungulula amapepo inkolelo ya Mbokosi ya Upangano yakwe Yawe, apa kupepa, nu kutaizya, nga nu kulumbanya Yawe, Leza wa ina Izlaeli.