30 ku Zanowa, nu ku Adulamu ni mizi yakweo. Yikalanga nu ku Lakisyi nu ku vyalo vyakweo, nu ku Azeka ni mizi yakweo. Kuli kuti, yikalanga mu misumba yonsi ukutandikila ku Belisyeba mpaka ukufika nu ku Cifoloma ca Hinomu.
Lyene umupaka uwo iukwela ku Cifoloma ca Beni Hinomu ukuya lwaku mutentemuko uwaku kaeya uwa ina Yebusi (kuli kuti Yelusalemu). Kufuma kuku iukwela pa mulundu lwaku uwondaka wa Cifoloma ca Hinomu lwaku lutwe lwaku katutu ka Cifoloma ca Lefaimu.
Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.
Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.
Lino umukalamba wa vita wilya uvwile ukuti umwene wao watafuma uku Lakisyi, nu kuya uku kulwisya umusumba wa Libina, nawe ali pakumimingana waya kuko kwene, uku kuya uvwana nawe.
Hanuni pali pamwi na yafundi aku Zanowa azifizye Mpongolo ya Cifoloma. Yene yaikuululula nu kwika visasa ni mifikilo yakweyo. Yazifya ni linga ukulingana amamita imyanda iini mpaka ukufika uku Mpongolo ya Citumba.
Lyene iusulukila ku mpelelekezyo ya mwamba uno vilozinye cinso ni Cifoloma ca Beni Hinomu, lwaku katutu ka Cifoloma ca Lefaimu. Alino iutwalilila kwisika ku Cifoloma ca Hinomu nga iupambata ulutala lwa ina Yebusi lwaku mutentemuko waku kaeya nu kuya ponela pa Eni Logeli.
