Neemiya 10:31 - Amazwi Yakwe Leza 2013

³¹ Nupya ndi cakuti ainamasi yiza muno mpanga ni vyakuculuzya, vingaya ingano, ukwiza tukazya pa wanda wi Sabata, tutalezya tukale pa wanda uo nanti apa wanda uze uwamuzilo. Cila mwaka wakwe cinimbali vyalo vitu vilalaaluka, nupya tulafuta inkongole zyonsi.

Neemiya 10:31 交叉參考

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Kufuma 20:10

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti iviteekwa vyako, nanti mwinamasi wino akaikala mu mikalo yako.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

Aina Levi 23:21

Pa wanda uwo mulaomba imilimo inu ya cila wanda. Lelo mwakongana ku mapepo. Amu mupanda winu yali nu kusunga ilamulo lii amanda yonsi, usi mulandu na kuno yalaya yakikale.

Aina Levi 16:29

Malamulo yaa, yali nu kusungwa ku nkulo zinu zyonsi. Pa wanda uwalenga ikumi, uwa mwezi uwalenga cinimbali, aina Izlaeli pamwi na inamasi yano yakwikala pakasi kao, yatalinzile ukulya nanti cakulya cimwi. Nupya yatalinzile ukuomba umulimo uli onsi.

Kufuma 12:16

Pa wanda wakutandika, nga na pa wanda uwalenga cinimbali, mulinzile kukongana ku kupepa. Mutalinzile ukuomba mulimo nanti umwi pa manda yao, lelo ivyakulya vyene mungateyanya.

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Kolose 2:16

Caleka mutaleka umwi amupeele mulandu pali vino mulinzile kulya nanti kumwa nanti kumunena vino mulinzile kuzevya manda ya mwezi upya nanti vya Sabata.

Mateo 6:12

Utwelele maifyo itu vino naswe tukaelela yano akatwifya.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Neemiya 13:23

Pa nsita kwene iyo nga ndola aikazi yaku Yuda yayo atwite anaci aku Asyidodi, nu ku Amoni nga nu ku Moabu.

Neemiya 13:27

Uzye naswe tumalondelanga vicitwa vinu nu kuntayela Leza apa kutwalana nu kutwalizyanya ku inamasi?”