Mpendwa 9:15 - Amazwi Yakwe Leza 2013

¹⁵ Uwanda kwene uno yasimfile Itaalu lya Ukongano, ikumbi lizile livimbilizya Itaalu. Ukutandika sile amanguzi lino ilanzi lyatemba mpaka kufika na katondo, ikumbi lyali papa kwene papeela ala likuloleka wa moto.

Mpendwa 9:15 交叉參考

Kufuma 13:21

Insita ya musanya Yawe wayatungululanga ni kumbi pa kuyalanga inzila. Alino insita ya usiku wayatungululanga ni cimbilimbili ca moto kuyapeela uluswepo. Cii calenzile kuti yangapita ulwendo lwao usiku nu musanya.

Kufuma 40:34

Lyene ikumbi livimba Itaalu lya Ukongano, nu luswepo luyengese lwakwe Yawe luyengesa mwi Taalu.

Masamu 78:14

Umu nsita ya kasanya, wayatungulwilanga ukwi kumbi, nu mu nsita ya usiku namo wayatungulwilanga umu cimbilimbili ca moto.

Neemiya 9:19

Lelo wemo ku luse na mizu yako akulu utatazile uyatazyele foo, lino yali mu lwanga. Imvumba ya cunsi ci kumbi itatazile iyasye. Apa macaca ali ino yayatungululanga inzila ukwa kulungama, nga usiku cimbilimbili ca moto naco cayakozezyanga umwakupita.

1 Kolinto 10:1

Inane, nkulonda kumwiusya vintu vino vyacitikile vikolwe vitu vyonsi ivyalondelanga Mose. Vikolwe vitu vyonsi vyacingililwe ni kumbi, nga nu kupita mutende muli Yemba Muyenzu.

Ezaya 4:5

Alino lyene Yawe aliza aikale apa Mwamba wakwe wa Zioni, nga na pali yayo yonsi aliza yakonganepo. Umusanya alaloleka ungati ikumbi ni cunsi. Usiku alaloleka wa cimbilimbili cino cikulunkuma. Pano vyonsi vilauwa umu ucindami wakwe Yawe.

Masamu 105:39

Leza ali pakwika ikumbi uku nkolelo lya kuyacingilila nga nu moto uwaku yapeela uluswepo uku usiku.

Neemiya 9:12

Umusanya wene wayatungululanga umwi kumbi, alino usiku uku cimbilimbili ca moto, icayakozezyanga inzila umwakupita.

Mpendwa 14:14

lyene ali vino yalalandila antu akaikala mu mpanga kwene ii. Antu yaa yamanya ukuti we Yawe uli naswe, nu kuti mukalolana na antu ntontonto pa manso lino ikumbi lyako lyaya pa cifulo cino yakaikala mwenemo. Nu kuti ukayakolelela pa nkolelo musanya mu mvumba yi kumbi, nu usiku namo mu mvumba ya moto.

Kufuma 40:38

Mu nsita ya kululumba kwao konsi, aina Izlaeli yalolanga ikumbi lyakwe Yawe papela yi Taalu mu nsita ya musanya, alino mu nsita ya usiku yalola umoto ukwaka papela yi Taalu.

Kufuma 40:2

“Pa wanda wakutandika uwa mwezi wakutandika, ukimike Itaalu lya Ukongano.

Kufuma 14:24

Ku macaca Yawe wino wali mwi kumbi nu mu cimbilimbili ca moto alolekesya pa vita vya ina Eguputo, alenga kuti yuvwe intete nga yalonda kupuuka.

Kufuma 13:22

Ikumbi lyakolelelanga antu insita yonsi ya musanya, cimbilimbili ca moto naco insita ya usiku.

Mpendwa 10:34

Lilyo lyonsi lino iyatenuka ukufuma pa nsakwe pano yali, ikumbi lyakwe Yawe lyayanga apapela pano yali musanya.

Mpendwa 17:7

Mose nawe aika intuwa zizyo zyonsi mwi Taalu lya Ukongano, pa nkolelo ya Mbokosi ya Upangano yakwe Yawe.

Malango 1:33

nanti angala wene wamukolelelanga kuti amulondele cifulo pakuti mukuule insakwe. Apa kuti amulange inzila, wene wamukolelelanga mu mvumba ya moto usiku nu mu mvumba yi kumbi umusanya.

Kufuma 40:35

Mose aposiwa kwingila mwi Taalu lya Ukongano pamulandu wakuti ikumbi lyali mumu kwene, nupya uluswepo luyengese lwakwe Yawe ala iluzuula mwi Taalu.