Mpendwa 9:13 - Amazwi Yakwe Leza 2013

¹³ Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”

Mpendwa 9:13 交叉參考

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Utandiko 17:14

Uwa monsi wensi wino atalasilamulwa atalapendelwa pamwi na antu yakwe, pano atafikilizye upangano wane.”

Mpendwa 9:7

Nga yamunena yati, “Sweswe yakowele pamulandu wa kukumya ku cala, lelo pacani cino tutangazumiliziwa kwizapeela amawila itu apali ponga na anji aina Izlaeli pa nsita iyazumiliziwa?”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Ayebulai 6:6

Alino yene yafutatile utailo wao! Cili citale ukuyawezya ku kuzenzuka nupya pano yene yakutana Mwana wakwe Leza pa lupanda nupya nu kumuzewanya paswe.

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Ezekelo 23:49

Alino lyene namwe, mwe yakaci yaili, nemo ndamufulula pa ukulukusi winu na pa uyi winu wakupepa tuluwi. Alino mulamanya ukuti nene indi Yawe Simwandalali.”

Mpendwa 19:13

Wino wensi uwala wakumya icala ca muntu ali wensi nga nu kucita mufulo wa kukana isangulula ale wene wakowezya Itaalu lya Ukongano. Umuntu wiyo alinzile kusukulwa mwi uvi lya ina Izlaeli. Pamulandu wakuti amanzi akumukondola yatapisile pa mwili wakwe, ali cino fwandi wene wasyala mukowele, na makombezya yakwe yasyala yamukambatile.

Mpendwa 5:31

Iya wa mwanaci wiyo asi nu kupelwa mulandu uli onsi. Lelo umwanaci wene ndi wazanwa nu mulandu ale wailetelela.

Aina Levi 20:20

Monsi ndi walongozya nu muci wakwe nyinalume, umonsi wiyo wazewanya nyinalume. Oili kwene, umonsi nu muci wakwe nyinalume yalinzile ukulipa pa maifyo yao. Yalafwa kwaula kukwata umwana.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 17:4

mu cifulo cakumuleta pa mulyango wi Taalu lya Ukongano, kuti apeele masaye wiyo wa mawila kuli Yawe ku nkolelo yi Taalu lya Ukongano lyakwe Yawe, umuntu wiyo alinzile kupelwa mulandu wa katwe. Wene watazwisya uwazi nupya wene alinzile kusukulwa mu antu yane.

Aina Levi 22:9

“‘Yasimapepo yonsi yalinzile kusunga malamulo yonsi yano napeela. Ndi yatacisile vivyo yali nu kupelwa mulandu. Nupya yangafwa pamulandu wa kuntayela malamulo yamuzilo. Nene indi Yawe, nene nkalenga kuti yaye amuzilo.

Kufuma 12:19

Pa manda cinimbali mu mang'anda inu mutalinzile kuzanwa icitutumusi. Pano ndi umwi, wino wavyalilwa munomuli nanti mwinamasi, walya umukate umuli icitutumusi, wene alinzile kusukulwa mu antu yane.”

Kufuma 12:47

Aina Izlaeli yonsi yalinzile kuzevya cimulo cii.

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Kufuma 30:38

Muntu umwi ndi wapanga ubani ukolane na uu, kuti auvwe mununko wauko usuma, wene alinzile kusukulwa mu antu yane.”

Aina Levi 24:15

Lyene unene aina Izlaeli ukuti umuntu ali wensi wino watipwila Leza wakwe alinzile kuvunukwa.

Mpendwa 19:20

Lelo ndi cakuti umuntu mukowele wakana ukucita vivyo, wene yalinzile kumusukula umwi uvi, pamulandu wakuti wene watakowezya Itaalu lyakwe Yawe. Pamulandu wakuti amanzi akumukondwela yatapisile pa mwili wakwe, ali cino fwandi wene wasyala mukowele na makombezya yakwe yasyala yamukambatile.