Mpendwa 7:85 - Amazwi Yakwe Leza 2013

⁸⁵ Cila mbale yakwe siluva yanyomile kulingana na kilogalamu wenga na citika. Nga cila mbale yakukanyila yakwe zaabu nayo yanyomile kulingana magalamu imyanda cinani. Nga ni mbale zyakwe siluva zyonsi pamwi nazyo zyanyomile kulingana makilogalamu amakumi yaili na cinimbali na citika, ukulingana ni cipimilo caku Ng'anda ikulu yakwe Leza.

Mpendwa 7:85 交叉參考

1 Milandu 29:7

Vino yalavile kupeela ku mulimo wa kukuula Ng'anda ikulu yakwe Yawe aevi: amatani 170 yakwe zaabu, amakilogalamu 84 ya mpiya zyakwe zaabu zya musango uze, amatani 340 yakwe siluva, amatani ya mukuwa manye 620, nga na matani 3, 400 a cela.

1 Milandu 29:4

Namapeela amatani 100 yakwe zaabu, umusuma wakwe cimwi uwaku Ofili, nga na matani 240 yakwe siluva umuswefiwe, uwakupomela ing'umba zya vikulwa,

1 Milandu 22:14

Umu ntazi zyonsi, nemo natinezya ukuleta ivintu vii vyakukuulila Ng'anda ikulu yakwe Yawe, zaabu umunyome ukulingana na matani 3,400, na siluva ukulingana na matani 34,000, nga ukwika penepo nu mukuwa ni vyela vino vitangapimwa ukunyoma. Natinteyanya imbao na mawe kwene, lelo ulinzile ukongezya penepo navyuze.

Mateo 14:8

Lyene nyina anena mwana ati, “Yanga kamulenge uti, ‘Umpeele ndakai kwene umutwe wakwe Yoane Kawatizya pa mbale.’ ”

Mpendwa 7:84

Yaa ali mawila yano intunguluzi zya ina Izlaeli zyapezile pa wanda uno kwali kupaatula nu kupaka kavuwa amafuta: imbale zyakwe siluva zyali ikumi na ziili, ingeso zya kukanyizizya zyakwe siluva zyali ikumi na ziili, nga ni mbale zyakwe zaabu zyali ikumi na ziili.

Mpendwa 7:86

Imbale ikumi na ziili zyakwe zaabu zino zyazilemo ubani nazyo cila yonga yanyomile kulingana na magalamu umwanda onga ni kumi, kulingana ni cipimilo caku Ng'anda ikulu yakwe Leza, na zyonsi pamwi zyanyomile kulingana kilogalamu wenga na citika.