24 “Si Yawe angamupolelela nu kumusunga.
Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.
Lyene pamulandu wakuti mwemwe yakwe Klistu, Leza alamupeela mutende uno kusi umuntu nanti wenga angaumanyikisya. Mutende kwene uu, ulatungulula umi winu ni myelenganyizizye inu.
Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.
“Ne Yawe awewe wemuno naama apakuti ulole ukuti vyaololoke vyacitwa pano nsi. Ndakulemelela apikasa nu ku kusunga, kuti uye icipangano ku antu, kuti uye luswepo lwakuyengesela Akulukuwa.
Ndakai nkwiza kunuli. Ntacili mu nsi, lelo yene yacili mu nsi. Tata Wamuzilo! Yasunge kupitila mu maka yako yano wampile, kuti yaye wenga ndi vino wewe nani twaya wenga.
Pano Leza alapeela ilamulo ku angeli yakwe kuti yakuwake nu kukusunga konsi sile kuno ulaya.
Si Yawe, amupolelele ukufuma uku Zioni! Wiyo uwacisile iyulu ni nsi.
Pa nsita kwene ilya Boazi afuma ku Betelemu nga alamuka azombozi yalya ati, “Yawe aye namwe!” Nayo iyamwasuka yati, “Si Yawe akupolelele!”
Unsunge wakwe vino ungacingilila nyinalinso uwi linso lyako, umfise mu cisao ca mapa yako,
“Aliwe akacingilila antu yano yakamuyela lelo antu akacita ukakasi yene akayasunkilizya mu kanda. Pano umuntu atangacimvya ku maka yakwe wenga.
Kupolelelwa kuu ukwakwe mwemwe, mwe muno mu utailo mukasungwa ningo na maka yakwe Leza kufika ku ufyusi uno ulasokololwa pa mpela ya nsita.
Cikuku ca Mwene Yesu Klistu ciye namwe mwensi.
Cikuku cakwe Leza ciye na antu yonsi yano atemwa Mwene witu Yesu Klistu nu kutemwa kwa pe.
Tuula antu yako, polelela umutundu wako. Uwa yatungulula nu kuyasunsa pa maye lyonsi.
“Anene sile nkacisunga nu kucikontelela nu mute, usiku nu musanya, pakuti kutaya nanti umwi uwakucivulunganya.
Lino mukutaizya Leza mu myenzo inu sile, uzye umuntu wino muli nawe mu ukongano wa mapepo angavwanga uli ati, “Ameni” kwi pepo linu lya kutaizya,
Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”
Acino nkukulenga kuti upolelele amu mupanda wane ne muomvi wako, kuti yatwalilile ukuya nu longo umuyayaya. Pasi pano we Yawe wayapolelela mpiti, nga yalaya apolelelwe umuyayaya.”
We Leza, si angala uvwe ipepo nu kupapata kwane ne muomvi wako. Si leka Ng'anda yako ikulu ino yononwa iwelele vino yali, apakuti umuntu wensi amanye ukuti wewe uli Leza.
