Mpendwa 6:20 - Amazwi Yakwe Leza 2013

²⁰ Alino simapepo aviswelule pa manso yakwe Yawe wa wila wakuswelula. Vyene ivyamuzilo ivyapeelwa kuli simapepo, ukwikapo ni nganga pamwi nu mwendo. Pacisila cakwe vii, umwina Nazili angamwa waini.

Mpendwa 6:20 交叉參考

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Mpendwa 5:25

simapepo alinzile atoole uwila wa usu wa ngano uno uli mu minwe ya mwanaci wiyo, nga akonzolole makasa yakwe, aupaatwile Yawe, nga aupeele pa kavuwa.

Yoane 19:30

Lelo lino Yesu wafyompako, avwanga ati, “Casila!” Alino ainama nga afwa.

Mako 14:25

Cumi, namunena vino, ntalamwa nupya vifenwa vya vizao vya matingi kufika ku wanda uno ndamwa ivipya mu Wene wakwe Leza.”

Mateo 26:29

Namunena vino, ntalamwa nupya vifenwa vya vizao vya matingi kufika ku wanda uno ndamwa ivipya pali pamwi namwe mu Wene wakwe Tata.”

Zakaliya 10:7

Aina Izlaeli yalakolana na asambazi, yalasansamuka wa antu amwile waini. Ana yao yalaiusya vino ivikolwe vyao vyacimvizye, nu kusansamuka nayo yalasansamuka, yalazanga pakulola vino ne Yawe nacita.

Zakaliya 9:17

Iye mwe vino mpanga ilya ilaloleka kuyemba! Ingano zilaleka alumendo yakula na amaka, na waini wa matingi umupya alaleka akazyana yakula ayembe

Zakaliya 9:15

Yawe Wamaka yonsi alacingilila antu yakwe, nayo yalakomola anisi yao. Mu nkondo antu yakwe yalapunda wa antu ati yakoleka uwengwa, yalazwisya uwazi wa anisi yao, uno ulaazwa kwati uwazi wa mpolelwa uno yitulwila mu lweso pa kavuwa ka mpolelwa.

Ezaya 35:10

Yano Yawe wakulula yalawela uku Zioni nu luzango, ala yakwimba. Uluzango lwape lulaloleka pa mausyu yao. Yene yalapita nu luzango nu kusansamuka. Kutalaya ukucula nu kuilizyanya.

Ezaya 25:6

Apa mwamba uu uwa Zioni ali pano Yawe Wamaka yonsi alimula antu amitundu yonsi pyu iya pano nsi. Palaya ukuilyokezya ivyakulya visuma na waini umusuma wakwe cimwi, inyama isuma na waini wampomvu wakwe cimwi.

Mpendwa 18:18

Iminyefu ya nyama zizyo yene iyakwako, wakwe vino inganga yapa wila wakuswelula alino nu mwendo wa kwilunji ivyakwako.

Aina Levi 23:11

Simapepo alinzile ukupeela umwanzi uwo uwila kuli Yawe pakuti mungapolelelwa. Simapepo alinzile ukupeela umwanzi uwo pacisila ca wanda wi Sabata.

Aina Levi 10:15

Yalinzile ukuleta umwendo ni nganga pamwi ni viputulwa vya mafuta vya mawila akoca akuswelula pa manso yakwe Yawe wa wila wakuswelula. Cii cili ciputulwa cako na ana yako wakwe vino Yawe wapeezile ilamulo.”

Aina Levi 9:21

Lyene aswelula inganga ni myendo ya kwilunji yoili wa wila wakuswelula pa manso yakwe Yawe, wakwe vino Mose wapeezile ilamulo.

Aina Levi 7:34

Pa mawila yacuvwano ya ina Izlaeli, inganga yapa mawila yapaatulwa pamwi nu mwendo wa kwikasa lilunji, ivya mawila apaatulwa vino Yawe watafumya ku ina Izlaeli nu kupeela kuli yasimapepo. Vii avino aina Izlaeli yalinzile ukupeela kuli yasimapepo ku nkulo zyonsi.’”

Aina Levi 7:31

Lyene simapepo aoce amafuta pa kavuwa, lelo inganga yene ipelwe kuli Aaloni na ana yakwe.

Aina Levi 7:30

Lyene alete umwisikulu na makasa yakwe amawila akocela Yawe. Alete amafuta ya nyama kumwi ni nganga kwene. Lyene inganga iyo aiswelwile pa manso yakwe Yawe wa wila wakuswelula.

Aina Levi 7:32

Nupya simapepo mumupeele mwendo wa kwikasa lilunji, kuti uye uwila winu uiyele uwamusangulo.

Mpendwa 6:21

Yaa, ali masunde ya mwina Nazili, uwalaya ukupeela uwila kuli Yawe ukulingana na masunde ya kupaatulwa kwakwe, kulunda pali consi cino angapeela pa kufikilizya ulayo uno wacita.