Mpendwa 6:15 - Amazwi Yakwe Leza 2013

¹⁵ pamwi na mawila ya cakulya na mawila ya vyakumwa, nga ni cimponda ca mukate usi na citutumusi, imikate itikame iyapangwa nu usu utonyoleke utikinkanye na mafuta, ni mikate ya mpanda ipapatale ipakwe mafuta.

Mpendwa 6:15 交叉參考

Aina Levi 2:4

“‘Ndi ukupeela uwila wa usu uno wapangwa mu citofu, uwila uwo ulinzile ukuya makeke ya usu wa ngano utonyoleke usi na citutumusi nupya utikinkanye na mafuta, nanti umukate wa mpanda upapatale usi na citutumusi nupya upake mafuta.

Kufuma 29:2

Nupya utoole umukate usi na citutumusi, makeke asi na citutumusi atikinkanye na mafuta, nga ni mikate ya mpanda ipapatale ipakwe amafuta. Vyonsi vii, uvipange nu usu wa ngano utonyoleke.

Mpendwa 15:10

Alino uwikepo citika wakwe lita wenga wakwe waini wa wila wa vyakumwa. Vilinzile vyaya amawila akocela Yawe, amununko usuma ukazanzya Yawe.

1 Kolinto 11:26

Cii cikusenula ukuti lyonsi lino mwalya umukate uu nga nu kumwa mu lwako luu ala mukulanda imfwa ya Mwene kufika lino aliza.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Yowelo 1:13

Mwe yasimapepo, si zwalini vyakuzwala vyandosya, alino muyume apa visao pamulandu wa ulanda uwatiutuponela. Lilini mwemuno mukatumikila apa tuvuwa. Zwalini muivimbe ivizwalo vya ulanda uwanda onsi. Mwe aomvi yakwe Leza winu.

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Ezaya 62:9

Lelo yano yavizombwile ali yano yalavilya nu kulumbanya Yawe. Mwemuno mwasunganga nu kukulula amatingi amwemwe sile mulamwa waini mu misolo yane yamuzilo.

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”

Aina Levi 8:2

“Toola Aaloni na ana yakwe. Utoole ni vyakuzwala vyausimapepo, amafuta akusolwela, na cipambasi uwa wila wa kwelela amaifyo, na yasuuku yaili, ni cimponda ca mukate usi na citutumusi.

Aina Levi 7:12

Muntu ndi wapeela uwila uu kuti uye uwila wakutaizya kuli Yawe, apeelele inyama yakoca impolelwa pamwi nu mukate utikame usi na citutumusi, uno uwapangilwa nu usu utikinkanye na mafuta, nanti umukate wa mpanda upapatale usi na citutumusi nupya upake amafuta ya miolivi, nanti yakeke yano yapangwa nu usu utonyoleke, utikinkanye na mafuta.

Mpendwa 6:16

Simapepo alinzile kwiza pela vyonsi vii pa kavuwa kuli Yawe, nga apeele uwila wa kwelela amaifyo nga nu wila wakoca.