Mpendwa 4:9 - Amazwi Yakwe Leza 2013

⁹ Yalinzile yatoola insalu ya cifungo nu kufupilizya icakuteekapo ilampi, pali pamwi ni vyakulukusizyako itwi, utambi, musazi wa mafuta kumwi ni viombelo vyonsi vikumile ku ncito yamusango ndi uwo.

Mpendwa 4:9 交叉參考

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”

Masamu 119:105

Amazwi yako ali lampi ilya kuntungulula, nupya ali luswepo lwa kunkozezya inzila yane.

Mateo 5:15

Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda.

Mpendwa 4:8

Pali vyonsi vii yalinzile kuvimbilikizyapo insalu iyenzu, ino nupya yalinzile yafupa mu mpapa zinyukwe ningo nu kusomekamo mipingilo.

Mpendwa 4:10

Lyene yalinzile kuvifupilizya ningo nu kuvingizya mu mpapa zinyukwe ningo, nga yavike pa cintamba.