40 yano yapenzilwe kulingana ni nko zyao na ang'anda zyao, impendwa yali 2,630.
Umukalamba wa ntunguluzi zya ina Levi a Eleaza, umwana wakwe Aaloni simapepo. Wene wasonsilwe ukuya kangalila wakwe yakasunga ya Ncende Yamuzilo.
Aonsi yonsi pyu ali ni myaka kutandikila pa makumi yatatu kufika pa makumi yasano, angalinga ukuomba mwi Taalu lya Ukongano,
Ikwene ili mpendwa yonsi pyu ya aluko lwakwe Gelisyoni alinzile ukuomba mwi Taalu lya Ukongano.
