Mpendwa 32:23 - Amazwi Yakwe Leza 2013

²³ Lelo ndi mwaposiwa ukucita cii, ale mwaifya kuli Yawe nga sininkizini ukuti mulavunukwa pa maifyo inu.

Mpendwa 32:23 交叉參考

Ezaya 59:12

We Yawe, ala vino twaluvyanya kunuli ivivule. Uyi witu ali uno ukutusinila naswe kwene twatituvisininkizya.

Mapinda 13:21

Iciipe consi cikalondela uwatacicita, lelo yayo akacita ivyaololoke yalapeelwa ivisuma.

Utandiko 44:16

Yuda aasuka ati, “Musambazi, uzye tuli ni cakuvwanga kunuli?” “Uzye tungapazya cani? Mulandu wene tukweti pano Leza watalenga kuti uyi witu usokoloke. Asi wenga sile wino azanyilwe nu lwako mwi saka lyakwe amaya muzya wako, lelo swensi kwene muno tuyelile ndakai twaya azya yako.”

Masamu 90:8

Inkota zitu zyaya apa lwalala kunuli, na maifyo itu amu umfisolo nayo kwene ukayaleta apaswe.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Utandiko 4:7

Ndu cita visuma ngani nakuzangila. Lelo pamulandu wakuti watucita iviipe, iifyo lyatilikuteyamila pa mulyango wako wa cilyanyi. Likukulondesya kuti likuteeke uzya, lelo ufwile kulicimvya.”

Loma 2:9

Ucuzi nu ulanda vilaponela antu yonsi akacita viipe, inkolelo ku Ayuda alino nu ku Akulukuwa kwene.

Ezaya 3:11

Kalanda ku antu aipe! Yene yalacilola! Yalalipilwa apa uyi uno iminwe yao yacita.

Masamu 140:11

Leka ukuti kavwanga wa viipe atakafikilizye amapange yakwe, leka ukuti amulomo yatakalengele muno nsi.

Masamu 139:11

Vyonsi sile nanti ningati, “Imfinzi kaino imfise nanti uluswepo kalusanguke usiku uwakunzinguluka,

Utandiko 13:13

umusumba muno antu yali ankota, aifyanga Yawe wakwe cimwi.

Yoswa 7:18

Alino Yoswa pali pakunena cila muntu uwamu ng'anda yakwe Zimuli ukwiza ku nkolelo, nga icilema Akani umwana wakwe Kalimi, nupya umwizikulu wakwe Zabidi, umwana wakwe Zela, uwa mutundu wakwe Yuda.

Mapinda 5:22

Ivicitwa viipe vya muntu mwipe vikaya iciteyo cakulemyamo umwisikulu, ni milimo iipe iya mukanda ikamuvimbilikizya.

Yona 1:7

Lyene alendo ali mu combo yavwanzyanya yati, “Tuyini tupendole kuti tumanye uwatatuletelela umupamba uu.” Alino yapendola, nga cilema Yona.

2 Samueli 3:39

Nanti angala nene indi mwene umusololwe, umwi lelo pasi vino namacita. Ana yaa aonsi yakwe Zeluya akakasi sana. Yene yatiyampezya amano. Si Yawe ale alandule pali vino antu yaa yatiyacita.”

1 Yamwene 2:32

Yawe amavunuka Yoabu pa utazi wa katwe uno wene wacita, pamulandu wakuti wene wakomile antu yaili ku lupanga, ukwaula kuti tata Davidi amanye. Antu yayo yoili amulusile umu kucita ivisuma a Abineli umwana umonsi wakwe Neli nupya musika mukalamba uwa vita vya ina Izlaeli, na Amasa umwana wakwe Yeteli nupya musika mukalamba uwa vita vya ina Yuda.

1 Yamwene 2:33

Si Yawe avunuke Yoabu na amu mupanda wakwe amanda pe. Lelo alete umutende pa amu mupanda wakwe Davidi amateekanga pa cilimba cakwe amanda pe.”

Mapinda 24:16

Umuntu musuma nanti angapumikiziwa ni vintu iviipe amaila nyanya, wene alasyala aimi sika. Aipe yene isyamo lilayaponela uyi uyi.