Mpendwa 30:5 - Amazwi Yakwe Leza 2013

⁵ Lelo isi ndi cakuti uwanda umwi wiiza wamanya umulandu, alino wamukanya ukufikilizya vino walaya nu mulapo, ale wene asi nu kufikilizya imilapo yonsi ino walavile ukucita nanti ukupeela cakwe kamukole. Fwandi Yawe nawe alaleka aye umuntungwa pamulandu wakuti isi uwamukanya.

Mpendwa 30:5 交叉參考

Efeso 6:1

Mwe ana, mwemwe yakwe Klistu. Acino mulinzile kuyela akwasi inu, pano cili cisuma kucita.

Oseya 6:6

Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Mpendwa 30:4

nga isi nawe auvwa cino watalaya nanti ukupeela cimwi cakwe kamukole, lelo ukwaula ukulandapo cimwi, ale icilayo cakwe cili nu kufikiliziwa.

Mpendwa 30:6

Ndi cakuti umukazyana wanyepa utwazi nanti wata icintu icili consi nu kulapa walapa nu mulapo ukwaula ukwelenganya ningo, alino wasakwa nu kusakwa,

Mpendwa 30:8

Lelo ndi cakuti iya wiza uvwa vino cali, nga amulesya kufikilizya icilayo cico, ale lyene ali ni nsambu ya kupasa icilayo cino walavile paula ukwelenganya ningo. Yawe nawe alamwelela.

Mpendwa 30:11

nga iya nawe lino uvwile atamunenyile nanti cimwi nupya atamukanyizye, ale lyene alinzile kufikilizya imilapo yakwe yonsi ino wene walavile ukucita nanti ukupeela cakwe kamukole.