Mpendwa 30:2 - Amazwi Yakwe Leza 2013

² Ayanena ukuti umuntu ndi walaya kuli Yawe icilayo nanti walaya ukucita icintu cimwi, ale wene asi nu kusenuka nupya umwi zwi lino wavwanzile ku kanwa kakwe. Fwandi alinzile kufikilizya consi cino walavile ukucita.

Mpendwa 30:2 交叉參考

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 116:14

Umwi uvi lya antu yakwe, muno yatiyakongona, ali muno namafikilizya ulayo kuli Yawe uno namulavile.

Yobo 22:27

Lyene alino ulati ndi wapepa kunoli, nawe akuuvwa. Nga nawe ulafikilizya amalayo yako kunoli.

Milimo 23:12

Uca katondo, nga Ayuda yamwi yakongana pali pamwi yapangana, yalaya nu mulapo ukuti yatakulya nanti kumwa suka yakome Paulo.

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

Naumi 1:15

Lolini, uku mwamba kuku, kukwiza umuntu umwi wino asenzile ilandwe lisuma, ilya mutende pa kucimviwa kwa ina Asilya! Mwe antu amu Yuda, si mule muzevye ivimulo vinu, nu kufikilizya imilapo inu kuli Yawe. Antu ya ukakasi yatalatala yazanze impanga inu nupya. Yene yatiyononwa pyu.

Mapinda 20:25

Uwatala uwelenganya ningo lino utacili ulaye ukupeela Leza uwila, pano limwi ungiza ulanguluke.

Masamu 116:18

Namafikilizya ulayo uno nalavile we Yawe, apa manso yi uvi lyako ilyati likolongana,

Masamu 55:20

Wiyo uwali umunji mpiti, aliwe akaimilila yacuza yakwe, nu konona vino walanga yapangana nayo.

Masamu 22:25

Mwene Leza awewe namalumbanyanga umu ukongano ukalamba pamulandu ni vintu vino wacita. Apa manso ya antu akamfukilila ali pano nemo namakupelanga impolelwa ino nakulavile.

Aina Levi 5:4

Muntu umwi mukuitazyela ndi walapa, usi mulandu pa cintu icili consi, wene ali nu mulandu lino wamanya cino watacita.

2 Kolinto 1:23

Leza ali kambone uwamanya mwenzo wane vino pa kukana mucuzya acino ntizile ku Kolinto.

Masamu 76:11

Mwatuula Yawe vino mukamulaya, mwamuletela ivya mawila mwemwe mwensi, mwe mitundu iyapalamila. Leza akalenga antu ukuti yamoopa.

Milimo 23:14

Lyene yaya kuli yasimapepo akalamba na ikolo, yayanena yati, “Swemo twali twalaya nu mulapo ukuti tutangalya nanti kumwa suka tukome Paulo.

Mateo 23:18

Nupya mukasambilizya ukuti umuntu ndi walapa mwi zina lya kavuwa, wene atalinzile kufikilizya mulapo wakwe. Lelo umuntu ndi walapa mwi zina lya wila uno wati upelwa kuli Leza penepo, wene alinzile kufikilizya mulapo wakwe.

Mateo 23:16

“Kalanda kunomuli mwe ntunguluzi mpafu! Mukasambilizya ukuti umuntu ndi walapa mwi zina lya Ng'anda ikulu yakwe Leza, wene atalinzile kufikilizya mulapo wakwe. Lelo mukalanda ukuti umuntu ndi walapa mwi zina lyakwe zaabu wamu Ng'anda ikulu yakwe Leza, wene alinzile afikilizye mulapo wakwe.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 56:12

We Leza nemo namakupeela vyonsi vino nakulavile. Namakutula uwila wane uwakukutaizya,

Yakapingula 11:39

Pacisila ca myezi iili, awela kuli isi nga nawe amucitila wakwe vino walafile nu mulapo. Wene wali umukazyana atatala wamanya umonsi. Ukwafuma nu lutambi lwa ina Izlaeli

Yakapingula 11:11

Acino Yefuta apita ni ntunguluzi zizi zyamu Gileadi, nga antu iyamucita kuya intunguluzi yao na musika mukalamba wao uwa vita. Lyene ku Mizipa, pa manso yakwe Yawe, Yefuta aswilizya ukulanda amazwi yaya wakwe vino yapangine nayo.

Mpendwa 30:10

Ndi cakuti umwanaci wino wasakwa walaya icilayo nanti walaya kuntakuma ku cintu cimwi,

Mpendwa 21:2

Alino aina Izlaeli iyalaya Yawe nu mulapo yati, “Ndi watupeela antu yaa twayacimvya tulonona imisumba yao tuimalile.”

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Mpendwa 32:24

Aleni lyene kuulini imisumba umwa kwikala aci inu na ana inu, mukuule ni vitata umwa kusunga imfwele ni mbuzi zinu. Lelo mulinzile kufikilizya vino mwalaya ukucita!”