Mpendwa 3:31 - Amazwi Yakwe Leza 2013

³¹ Umulimo wao wali uwa kuwaka Mbokosi ya Upangano, itebulo, ivyakutekapo inyali, utuvuwa, iviya vyamuzilo vino yasimapepo yakaomvya mu Ncende Yamuzilo, nga ni nsalu yakucingilikizya pa mulyango wa Ncende Yamuzilo kuluta. Yakwene yali nu kuwaka kutumikila konsi kukumile vintu vii.

Mpendwa 3:31 交叉參考

Kufuma 40:30

Lyene aika muyeza uwakufulalila pakasi ki Taalu lya Ukongano na kavuwa, alino aitilamo amanzi yakufulala.

Kufuma 37:1

Pacisila cakwe vii, Bezalele apanga Mbokosi ya Upangano ni mbao zya muti wa akasya. Mu utali mwali masentimita 110, mu wipi namo mwali masentimita 66, ciimo ca Mbokosi ya Upangano naco ciye masentimita 66.

Mateo 5:15

Kusi umwi akakozya ilampi nu kulitupika mu nyungu. Lelo akaliika pa sanzame kuti liyengese kuli yano yonsi ali mu ng'anda.

Mpendwa 3:30

Ni ntunguluzi yao a Elizafani, umwana wakwe Uzieli.

Mpendwa 3:32

Umukalamba wa ntunguluzi zya ina Levi a Eleaza, umwana wakwe Aaloni simapepo. Wene wasonsilwe ukuya kangalila wakwe yakasunga ya Ncende Yamuzilo.

Malango 10:8

Pa nsita kwene iya Yawe wapaatwile amu mutundu wakwe Levi kuti yangaya yakasenda ya Mbokosi ya Upangano yakwe Yawe. Nu kuti yaimilila inkolelo yakwe Yawe nu kumutumikila, yala yakutaka upolelelo umwi zina lyakwe, wakwe vino yakacita na pilelo kwene.