Mpendwa 3:13 - Amazwi Yakwe Leza 2013

¹³ Pasi pano amayeli yonsi akwane. Lino nakomozile amayeli yonsi mu Eguputo, naipaatwilile cila iyeli lya ina Izlaeli, usi mulandu lingaya ilya muntu nanti ilya nyama. Yene yalinzile ukuya akwane. Nene indi Yawe.”

Mpendwa 3:13 交叉參考

Luka 2:23

Ndi vino calembwa mu Masunde ya Mwene cati, “Umwana wensi iyeli umonsi wene ali nu kupelwa ku Mwene.”

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Kufuma 13:2

“Mwampaatwila ana yonsi mayeli aonsi. Mu ina Izlaeli umwana wensi umonsi wi yeli, umwana wa muntu nanti umwana wensi wa nyama uwakwane.”

Aina Levi 27:26

Iyeli lya nyama ilyakwe Yawe. Acino kusi umwi angalipeela kunoli ukuya uwila wa kuitemelwa. Usi mulandu ingaya a masaye, imfwele nanti imbuzi, lyene ilyakwe Yawe.

Kufuma 13:15

Lino Falao wakomile umwenzo nu kukana kuti tufume mu mpanga yakwe, Yawe walenzile kuti ana mayeli ya antu na a nyama yafwe mu mpanga yonsi ya Eguputo. Uli mulandu uno tukapeela impolelwa kuli Yawe inyama zya kalume mayeli. Lelo mayeli itu aonsi tukayakulula.’

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Mpendwa 18:15

“Mwana wensi iyeli, wino yalayampela, aye umuntu nanti iciteekwa, alaya uwakwinu. Lelo iyeli lya nyama ni lya muntu mukowele uce ulikulule.

Kufuma 34:19

“Mwana wensi iyeli umonsi, nu mwana wi yeli wa citeekwa, sawe, suuku nanti cipambasi, wene uwakwane.

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Neemiya 10:36

Tulaapeela kuli Leza witu ana itu amayeli aonsi. Ana mayeli ya ng'ombe na amfwele kwene, na mbuzi, tulayatwala kuli yasimapepo akatumikila mu Ng'anda ikulu yakwe Leza, ndi vino calembwa mu Masunde.

Mpendwa 3:41

Mu cifulo ca ana mayeli ya ina Izlaeli, aina Levi yamaya akwane. Nu mucifulo ca mayeli ya viteekwa vya ina Izlaeli, mayeli ya viteekwa vya ina Levi yamaya akwane. Nene indi Yawe.”

Mpendwa 18:6

Anene kwene ne mwisikulu naisolwela anyonko aina Levi mu ina Izlaeli nu kuyapeela kunomuli. Yene yapatulwa pakuti yangaya icuma cakwe Yawe nupya akuombela mwi Taalu lya Ukongano.

Mpendwa 33:4

ala yakuzika na ana yao amayeli yano Yawe wakomile. Pa kucita vii, Yawe walanganga ukuti wene wakwatisya amaka ukuluta tuleza twa ina Eguputo.