8 Imfwele yakwe ciili, suuku, uli nu kumupeela wa mpolelwa yakoca amanguzi apali pamwi nu wila wa vyakulya ni vyakumwa ndi muno cimayelanga mu katondo. Uu, uli wila uwakocela Yawe, uwa mununko usuma ukazanzya Yawe.
Ivyakumwa vino yali nu kulunda penepo, vili nu kuya amawotolo yaili yakwe waini pali cila mfwele yonga. Ni vyakulya vivyo ivyakupeela kuli Yawe, yali nu kuviitila mu Ncende Yamuzilo.
“Pa wanda wi Sabata muce mwapeela imfwele, yasuuku yaili a mwaka onga, izyaula ulema nanti umwi. Nu kulunda penepo uwila wakwe waini nu wila wa cakulya uwa makilogalamu yaili ya usu utonyoleke, uno yatikinkanya na mafuta ya miolivi.
Kuye kweneko na sawe wenga uwa wila wa kwelela amaifyo. Vivyo ali vyakungilizya pa wila wakoca uwa cila wanda pamwi nu wila wa cakulya nu wa vyakumwa vyao.
