7 “Ana yakwe Zelofeadi yatiyavwanga icampomvu cuze. Fwandi icansambu kuti muyapeele impanga wa cipande cakwe isi cino wali nu kupelwa pa ina.
Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.
Nsilini ana asyale, indaazwa na yamukamfwilwa yako.”
Iyaya kuli simapepo Eleaza, na kuli Yoswa umwana umonsi wakwe Nuni, nu ku ntunguluzi, nga yavwanga yati, “Yawe wapile ilamulo kuli Mose kuti atupeele impanga sweswe na yakalume itu kuti iye icaupyanyi citu.”
Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.
Yawe nawe avwanga kunoli ati,
Nupya ulondolwele na ina Izlaeli ukuti umuntu umwi ndi wafwa, ukwaula kusya umwana umonsi, muce mwapeela impanga ku mwana umwanaci ndi ali penepo.
Amazwi yano Yawe wasokolwela ana yakwe Zelofeadi akazyana aeya. Yangasakwa kuli wensi wino yatemwa, cikulu sile yasakwe ku mitundu pali iyo iyakwe ya isi.
Ku maka yi zwi lyakwe Yawe Mose apeela ilamulo ku ina Izlaeli ati, “Amu mutundu uwamu mupanda wakwe Yosefu yatiyalanda ivya mpomvu.
Umu nsi yonsi kutali ana ayembe wa ana yakwe Yobo. Isi nawe ali pakupeela ivyuma ku ana yayo na kuli yakalume yao, pakuti vikaye ivyaupyanyi vyao.
