Mpendwa 26:5 - Amazwi Yakwe Leza 2013

⁵ Amu mupanda wakwe Lubeni, umwana iyeli lyakwe Izlaeli, aeya: Hanoki nu luko lwakwe lwa ina Hanoki, Palu nu luko lwakwe lwa ina Palu,

Mpendwa 26:5 交叉參考

1 Milandu 5:3

Ana yakwe Lubeni iyeli lyakwe Izlaeli a Hanoki, Palu, Heziloni na Kalimi.

1 Milandu 5:1

Yaa ana yakwe Lubeni, umwana iyeli lyakwe Izlaeli. Endi, Lubeni wali umwana iyeli, lelo lino walongwizye na nyina munono, uyeli wakwe wapilwe ku ana yakwe Yosefu umwana wakwe Izlaeli. Acino wene atatantikwe pa mazina alembwa akulondekana nu uyeli wakwe.

Kufuma 6:14

Lubeni iyeli lyakwe Yakobo wakweti ana yani aonsi. Pali Hanoki, Palu, Heziloni, na Kalimi. Yakwene ali vikolwe vya mitindu ino ikaamwa na mazina yao.

Utandiko 29:32

Leya asenda indilwa nga avyala umwana umonsi. Avwanga ati, “Yawe watalola ucuzi wane, acino lyene uwane amantemwa. Acino atemela umwana izina ati a Lubeni.”

Mpendwa 1:20

Ukufuma mu amu mupanda wakwe Lubeni, iyeli lyakwe Izlaeli aonsi yonsi ali ni myaka amakumi yaili nanti ukuluta, yao angalwa inkondo kulingana ni vyaya umutundu wao ni nko zyao, wenga wenga iyatantikwa.

Mpendwa 26:4

“Pendini aonsi yonsi ali ni myaka ukutandikila pa makumi yaili nu kuya apapela, ukulingana namuno Yawe wapeezile ilamulo kuli Mose.” Yaa ali ina Izlaeli yano yafumile mu mpanga ya Eguputo:

Mpendwa 26:6

Heziloni nu luko lwakwe lwa ina Heziloni, Kalimi nu luko lwakwe lwa ina Kalimi.

Utandiko 35:22

Lino Izlaeli acili akwikala mu mpanga ilya, Lubeni acita ulenzyo na Bilaa, wenga uwamu aci nayauze yakwe Isi. Izlaeli auvwa mulandu uu, akalipa cuze. Yakobo wakweti ana aonsi ikumi na yaili.

Utandiko 35:23

Ana yakwe Leya aonsi yali a Lubeni (iyeli lyakwe Yakobo), Simeoni, Levi, Yuda, Isakali na Zebuluni.