Mpendwa 24:18 - Amazwi Yakwe Leza 2013

¹⁸ Alacimvya aina Edomu Nu kupoka impanga ya ina Seili. Izlaeli ali nu kutwalilila ukucimvya.

Mpendwa 24:18 交叉參考

Amosi 9:12

Acino pa nsita kwene ilya aina Izlaeli asyalapo yalacimvya ivyasyala vyamu Edomu, kumwi ni nko zyonsi zino zyamanyike ukwi zina lyane.” Avino Yawe wavwanga, wino alacita vintu vino walanda.

2 Samueli 8:14

Wene akuula insakwe zya nkondo umu mpanga yonsi ya Edomu nu kulasika asilika akwikala mwenemo kuti yamuteekela impanga iyo. Nga atandika ukuteeka antu ya kweneko. Yawe alenga kuti Davidi acimvye konsi konsi.

Utandiko 27:29

Si mitundu ni nko zyonsi zyakutumikila, na antu yakufukamila. Si uye umwene pa anyonko, na ana yakwe nyoko aonsi yakakufukamila. Yano onsi alakutipa yakatipwe, na yano alakupolelela yakapolelelwe.”

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Ezaya 34:5

Yawe akuti, “Natinteyanya ulupanga lwane umwiyulu. Nalo pasi pakukalipa. Lwasya luzanze impanga yaku Edomu. Lumazanza antu yano napingula ukuloviwa.”

Masamu 60:1

We Leza, watutazyela, nu kutusya apa lwalala. Watutusokela, awe cumi ungala uwele kunotuli!

Utandiko 32:3

Lyene Yakobo atuma inkombe pa nkolelo yakwe kuli silenzi Esau ku mpanga ya Sili uku Edomu.

Utandiko 27:40

Mu lupanga umulaya wikazi wako, Lelo ulaya muomvi wa muto wako. Ndi waca wamusangukila, lyene ulafuma mu maka yakwe.”

Mpendwa 20:18

Lelo aina Edomu nayo ali pa kwaasuka yati, “Utalapita ukusalala mu mpanga itu pano limwi uliukila twapontomoka nu kwiza kuzanza ku lupanga.”

Mpendwa 24:19

Uluko lwa Izlaeli lulayalyatola Nu kulovya anisi asile kweneko.”

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Obadiya 1:2

Yawe akunena aina Edomu ati, “Ndamutembola, cakuti nu muntu wensi alamusuula wakwe cimwi.

1 Yamwene 11:14

Yawe Leza wakatusizye Solomoni umwanisi umwi umwina Edomu, wino izina lyakwe a Hadadi. Hadadi wiyo wali uwa kazi ka kuwene waku Edomu.

1 Yamwene 11:15

Mpiti lino Davidi walwisyanga aina Edomu, Yoabu musika mukalamba uwa vita, wino waile ku kuzika yao afwile, walanga watakoma aonsi nyanya amu Edomu.