Mpendwa 23:26 - Amazwi Yakwe Leza 2013

²⁶ Lelo Balamu amwaasuka ati, “Uzye ntakunenyile ukuti nemo namacita sile cico cino Yawe wanena?”

Mpendwa 23:26 交叉參考

Milimo 5:29

Petulo na alondezi yauze yaasuka yati, “Tulinzile ukuyela Leza, kuluta kuyela antu.

Mpendwa 22:18

Lelo Balamu nawe aasuka ati, “Nanti angala Balaki angampeela isano lyakwe umuzile siluva na zaabu, intangacita icintu icili consi icikulu nanti icicepe. Ntangenezye ukukana yela ilamulo lyakwe Yawe Leza wane nanti mu cintu cinono kwene.

2 Milandu 18:13

Lelo Mikaya wene amwaasuka ati, “Nalapa umwi zina lyakwe Yawe uwa umi ukuti nemo namavwanga vino Yawe amanena.”

Mpendwa 22:38

Alino Balamu nawe amwaasuka ati, “Endi, lyene anene natiniza. Nga lelo uzye wemo ukuti ningavwanga civwangevwange? Nemo indi nu kuvwanga sile amazwi yano Yawe wanena ukuvwanga.”

1 Yamwene 22:14

Nga lelo Mikaya wene amwaasuka ati, “Nalapa umwi zina lyakwe Yawe wa umi, ukuti nemo namalanda vino Yawe umweneco amanena.”

Mpendwa 23:25

Lyene Balaki anena Balamu ati, “Wakana ukutipa aina Izlaeli, lelo fwandi cizipe utayapolelela!”

Mpendwa 23:27

Nupya Balaki anena Balamu ati, “Twende, nkutwale kuze. Nalimwi kwene ali kuno Leza angatemwa kuti uyatipwile.”

Mpendwa 23:3

Lyene Balamu anena Balaki ati, “Imilila pipi ni mpolelwa zyako zyakoca, lino nemo inkufuma penepo kuti nkalole ndi Yawe angaleka inkomenkane na aliwe. Nga caya vivyo ndiza nkunene vyonsi vino amansokolwela.” Alino Balamu atandika nu kupita alungama na pa mwamba papela, pano patamelanga icintu nanti cimwi.

Mpendwa 23:17

Acino Balamu waswilile kuli Balaki, nu kumuzana ala acili aimilile pipi ni mpolelwa yakwe yakoca, ala yali pamwi ni nkombe zyakwe izyaku Moabu. Alino Balaki amuuzya ati, “Uzye Yawe wakunena vyani?”