Mpendwa 21:7 - Amazwi Yakwe Leza 2013

⁷ Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Mpendwa 21:7 交叉參考

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Mpendwa 11:2

Antu nayo iyalaizya kuli Mose, nga nawe ayapapatila kuli Yawe. Alino umoto iuzima.

Kufuma 8:8

Lyene Falao atuma akuya ama Mose na Aloni, ayanena ati, “Pepini kuli Yawe kuti asisye yacula, alino nani namaleka antu inu kuti yapite, pakuti yakapele impolelwa kuli Yawe.”

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

Kufuma 8:28

Falao nawe avwanga ati, “Namaleka mupite ku lwanga mukapeele impolelwa kuli Yawe, Leza winu, cikulu mutaya kutali. Nani mumpepele.”

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Loma 10:1

Inane kulonda kwa mwenzo wane ni pepo lyane kuli Leza, pa ina Izlaeli onsi, ilya kuti yatuulwe.

Mateo 27:4

Lyene ayanena ati, “Nati nifya pa kukoopa umuntu uwakaele kuti afwe.” Nao yamunena yati, “Uzye cico cingatusakamika? Wewe umanye vyakucita.”

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Yelemiya 37:3

Umwene Zedekiya watuma Yeukali umwana umonsi wakwe Syelemiya na simapepo Zefaniya umwana umonsi wakwe Maaseya kuli Yelemiya ku kumulenga ukuti ayapapatileko kuli Yawe, Leza witu.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Yobo 42:10

Walanga Yobo wamala ukupapatilako yacuza yakwe, alino Yawe amuwezezya nupya ivyuma vyakwe, lyene iviwelela amaila yaili ukuluta vino vyali apakutandika.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

1 Samueli 15:30

Saulo nawe avwanga ati, “Natinifya. Lelo napapata ncindike sile nanti iila lyonga pa manso ya ntunguluzi zya antu yane na pa manso ya ina Izlaeli. Katuswilile sile swensi pakuti inje nkafukame nu kupepa Yawe Leza wako.”

1 Samueli 15:24

Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.

Malango 9:20

Nupya Yawe wasokile Aaloni kulingana nu kumukoma, lelo Aaloni nawe kwene namupepelile pa nsita ilya.

Kufuma 32:30

Uwanda walondelela Mose anena antu ati, “Mwacisile iifyo iliipe cuze. Lelo ndakai namaswilila kuli Yawe ku mwamba, limwi ningamucitila ulutambi lwa kufuta amaifyo. Limwi angamwelela iifyo linu.”

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 20:17

Lyene Abulaamu wapepile Abimeleki na Yawe amupozya, nga apozya nu muci na azya yakwe akazyana pakuti lyene yakwata ana.

2 Yamwene 13:4

Lyene Yeowazi walenzile uwelelo kuli Yawe, nga Yawe nawe auvwa ukupapata kwakwe apakulola vino aina Asilya yazunya muno aina Izlaeli.

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Kufuma 8:4

Yacula yalakutampukila nu kutampukila pa antu yako, nga na pali yacilolo yako yonsi.’ ”

Kufuma 10:17

Pamulandu wakuti nacita cii, munjelele iifyo lyane. Mpapatilini kuli Yawe kuti asisye kuvunuka kuno kungaleta imfwa panondi.”