Mpendwa 18:12 - Amazwi Yakwe Leza 2013

¹² “Anene ne Yawe nakupeela uzombozi usuma cuze uwa vyakulya vyankolelo ivili wa mafuta ya miolivi, waini, pamwi ni ngano.

Mpendwa 18:12 交叉參考

Malango 18:4

Yene yalinzile kupelwa iviseekwa vyankolelo ivyapa mbezu, na waini, na mafuta ya miolivi, nga na pamba.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 34:26

“Mwaleta iviseekwa vyankolelo vya uzombozi winu visuma ku ng'anda yakwe Yawe, Leza winu. “Mutaelekela umwana wa mfwele nanti umwana wa mbuzi mwi ziya lyakwe nyina.”

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.

Aina Levi 23:20

Simapepo alinzile kuswelula utwana twa mfwele twiili pamwi nu mukate pa manso yakwe Yawe wa wila wakuswelula. Vikwene ivyakwe simapepo, nupya uwila wamuzilo.

Aina Levi 23:17

Kuli konsi kuno mukwikala, cila ng'anda ili nu kuleeta imikate iili nu kuipeela wa mawila kuli Yawe. Cila mukate ulinzile kupangwa na makilogalamu yaili a usu utonyoleke, utikinkanye ni citutumusi. Mikate ii, ilinzile kupelwa kuli Yawe wa wila wakuswelula uwa vizao vyankolelo.

Aina Levi 2:14

Ndu kupeela kuli Yawe uwila wa usu uwa vizao vyankolelo, ulinzile ukupeela uwila wa mbezu zipya zisalule, izisye.

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Utandiko 27:28

Si Mwene Leza akupeele imvula ukufuma kwiyulu, nu kuvunzya vyalo vyako. Si Mwene Leza akupeele uzombozi wa mbezu ni vilimwa vya viseekwa vingi, na waini.

Malango 18:3

“Lyonsi lino antu yapeela impolelwa, usi mulandu ingaya a cipambasi nanti imfwele, yasimapepo yalinzile kupelwa icilumbi, ni camvu ca pansi, nga ni cituka.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Masamu 81:16

Ningamwimula lyene uku usu wa ngano, Utonyoleke wakwe cimwi, nu kumwikusya uku uci uwamu mulunda.

Masamu 147:14

Waleta umutende mu mipaka yako, nu kukwikusya uku ngano izisuma.

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Aina Levi 2:12

Amawila ya uzombozi wankolelo cila mwaka ulinzile kutwala kuli Yawe. Lelo utalinzile kuyocela pa kavuwa wa wila uwa mununko usuma ukazanzya Yawe.

2 Yamwene 4:42

Wanda uze kwiza umuntu umwi ukufuma ku Baali Syalisya, aletela Elisya imikate amakumi yaili yapangilwa ku usu wakwe baale, wa vizao vyankolelo. Amuletela ni misakinta ipya ya mbezu. Alino Elisya anena Geazi ati, “Imula antu kuti yalye.”

2 Milandu 31:5

Zuwazuwa lino ilamulo lilyo lyapeelwa, aina Izlaeli nayo zuwazuwa yakolonganika ivizao vyankolelo ivili wa ngano, waini umupya, amafuta yakwelekela, uci navyuze vino yazombwile. Alino yapeela penepo ni cikumi pali cila vyuma vino yalesile.