Mpendwa 17:8 - Amazwi Yakwe Leza 2013

⁸ Pa wanda uwalondelela penepo, lino Mose akwingila mwenemo, alola ndi vino intuwa apalemvilwe izina lyakwe Aloni, uwamu mutundu wakwe Levi, yatilemba amafwa nupya yatitumba intombo nu kuwalula iluwa kulundapo nu kuseeka iviseekwa ivyakolana na makole, nu kuca vyativica.

Mpendwa 17:8 交叉參考

Ezekelo 17:24

Alino imiti yamu mpanga yonsi kwene ilamanya ukuti nene indi Yawe, nu kuti nene nkasinda imiti itali, nu kuleka imiti iipi aino italimpisye, nu kuti nene nenga nkaleka imiti iisi yauma nga nu kulenga ukuti imiti yume yalemba. Ee, anene ne Yawe nalanda nu kucita avino ndacita.”

Mpendwa 17:5

Alino lyene intuwa ino imalemba, ale izina ililemvilwe penepo ali muntu wino nene nasolola. Vii ali vino nene ne Leza winu namaputula ivikanza ivya kuilizyanya ivili pali mwemwe.”

Ezaya 4:2

Mu wanda ulya umusambo wakwe Yawe ulalemba, ulacindama nu kulumbanyiziwa. Iviseekwa vya mpanga navyo vilacindama. Vyene vilasansamusya antu apusuka amu Izlaeli.

Ezekelo 19:14

Nga alino mu cimuti kwene ca mutingi mufumamo umoto, nao wiza oca misambo yakweo kumwi ni viseekwa vyakweo. Awe imisambo iyo yakweo italatala ikome nupya, nupya italatala iye intuwa zyakwe yakateeka.’ Fwandi lulo ali lwimbo lwa ulanda, ulukaimbwa lili lili apa ndosya.”

Masamu 110:2

Yawe alasandulula amaka yako a wene, ukufuma ku Zioni. Wene akuti, “Yaa umwene wakuteeka anisi yako!”

Utandiko 40:10

nga zuwazuwa lino mafwa yamelako, maluwa yaliyaloleka lyene iviseekwa viseeka nu kuca.

Ayebulai 9:4

Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

Ezekelo 19:12

Lelo antu acipyu yene iyautukula, yauwisya na pansi. Iviseekwa vyakweo ali pakuuma, pamulandu wa muza waku ufumondaka. Imisambo yakweo nayo ikontoka, yuuma ipya nu ku moto.

Lwimbo lwakwe Solomoni 2:3

Wakwe vino umu apo ukaya pakasi ka vimiti vyamu mpanga, avino nu mukundwe wane waya pakasi ka aonsi. Nemo nakunda cuze ukupuuza mu cisao cakweo, ni viseekwa vyakweo pasi pakulyompa mu kanwa kane.

Mpendwa 16:5

Alino anena Kola, pamwi ni umba lyonsi ati, “Mutondo akatondo, Yawe alatulanga umuntu wakwe uwasololwa pakuti apalamile kuli aliwe. Wino alaleka apalamile kunoli, wiyo kwene ale awino wasolola.

Mpendwa 17:9

Alino afumya intuwa zyonsi apanzi, alangizya aina Izlaeli. Lyene antu yonsi iyailolela icacitike, nga cila ntunguluzi aitolela intuwa yakwe.