Mpendwa 16:41 - Amazwi Yakwe Leza 2013

⁴¹ Uwanda uwalondelela iuvi lyonsi lya ina Izlaeli iliilizyanya kuli Mose na Aloni, ilivwanga liti, “Watukoma yamwi mu antu yakwe Leza.”

Mpendwa 16:41 交叉參考

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Mpendwa 14:2

Aina Izlaeli yonsi pyu yailizyanya kuli Mose na Aloni, yonsi kwene yala yakuti, “Cange cizipe swemo ndi twafwilile sile mu mpanga ya Eguputo nanti mu kwene mu lwanga!

Milimo 21:28

Yapunda yati, “Mwe ina Izlaeli, twazwini! Wii ali muntu akapita konsi ala akusambilizya wensi ukusula aina Izlaeli, Masunde yakwe Mose, nga ni Ng'anda ii ikulu yakwe Leza. Lyene ndakai wataleta na Akulukuwa kwene mu Ng'anda ikulu yakwe Leza nu kukowezya icifulo camuzilo!” (

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”

Mateo 5:11

“Alongo amwemwe ndi antu yamutuka, yamuzunya, nu kumutumpwila vintu vyonsi viipe pamulandu wane.

Amosi 7:10

Ku Betele kwali simapepo umwi uwi zina lyakwe Amaziya. Wene watumile inkombe kuli Yeloboamu, umwene waku Izlaeli na mazwi akuti, “Amosi akukatusya intazi apa kutunkola antu amu Izlaeli kuti yakusangukile. Antu yatange yasuule sile amazwi yonsi yano akuvwanga.”

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Masamu 106:13

Yakalauka ukwilila uku vicitwa vyakwe, kusi kulolela ukuti ayapanzyeko amano.

1 Yamwene 18:17

Lino Aabu walola Eliya, amunena ati, “Uzye asi awewe, we muntu kacita wa vimvulunganya ku ina Izlaeli?”

2 Kolinto 6:8

Antu yakatucindika nupya yakatusaalula. Tukatukwa nga nu kutasiwa. Antu yakati sweswe ya ufi, lelo swemo tukavwanga cumi.

Yelemiya 43:3

Wino akukutunka pali sweswe a Baluki, umwana wakwe Nelya apakuti atupeele mu makasa ya ina Babiloni yace yatukome, nanti ukutusenda ku uzya ku Babiloni.

Yelemiya 38:4

Lyene amakombe yaya yanena umwene yati, “Umuntu wii, alinzile ukufwa. Pano kwene kuvwanga kwakwe kwatikunenula ivita ivisiile mu musumba uu, pamwi na antu yonsi. Umuntu wii itonsya! Kulanda kwakwe kusi kwakuzipila umutundu uu, suka sile ivyakuusyamika.”

1 Kolinto 10:10

Tutalinzile kuilizyanya, ndi vino yamwi munoyali yacisile nga pacisila yononwa nu mungeli wa mfwa.

Yuda 1:16

Antu yaa, yakailizyanya lyonsi nu kutwika auze milandu. Yene yakalondela vya lunkumbwa vyao viipe. Yakaitutumula nga nu kucindika auze mwi syente kuti yazanilemo muzano.