Mpendwa 16:14 - Amazwi Yakwe Leza 2013

¹⁴ Ala wemo utatuleta mu impanga iya uzombozi ukulu cuze nupya iivunde nanti kutupela impanga nanti vyalo vya matingi vino tungapyana. Si manye ukwezya ukutusomba? Awe, tusikwiza kweneko!”

Mpendwa 16:14 交叉參考

Aina Levi 20:24

Lelo nalaya ukupeela mwemwe impanga iyi ziya nu uci kuti iye iyakwinu. Ndapeela impanga iyo kunomuli. Nene indi Yawe Leza winu. Namupaatula ukufuma mu nko zyonsi.

1 Samueli 11:2

Nawe Naasyi umwina Amoni aasuka ati, “Kwene ukupangana tungapangana cipangano, lelo suka sile intale intonkole cila muntu apakasi kinu ilinso ilya kuli ndilo, pakuti ciletele aina Izlaeli umuzewanya.”

Yakapingula 16:21

Lyene aina Filisti iyamulema iyamutonkola amanso nga iyamusenda iyatentemukila ku Gaza. Kuli kuno iyaya iyamunyepa mu minyololo iili iyamukuwa, nga iyainyepelela kwiwe lyakusila umu ng'anda yaminyololo amuno aasya.

Mpendwa 20:5

Uzye pacani cino mwatufumizye mu Eguputo pakuti mutulete mu mpanga iyaipa ndi ii? Impanga imwi muno yatanga yakomele imbezu ili yonsi. Nupya musi amasamvu, musi amatingi nanti iviseekwa vya pomegeleneti. Amanzi yakumwa nayo kwene musi!”

Kufuma 23:11

Lelo mu mwaka uwalenga cinimbali icalo cico ucilalika. Antu apina amu mutundu winu aliwo yangalya cimbuka uwamu calo cico, alino inyama zyamu mpanga zingalya ivyasyala. Mwacita icili conga nu ku vyalo vya matingi ni vya miolivi kwene.

Kufuma 22:5

“Muntu umwi ndi waleka iviteekwa vyakwe vyaya vingila mu calo ca muntu muze nu kulya vilimwa vyamu calo cico, umweneco wa viteekwa vivyo alinzile ukulipa muze vilimwa vyakwe visuma cuze ukufuma mu calo cakwe, nanti iviseekwa vyakwe visuma cuze.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 23:10

“Pa myaka mutanda uwakomela imbezu zyako mu calo nu kuzombola.

Mpendwa 13:27

Yasimikila Mose yati, “Twaile mu mpanga ino watutumile mwenemo, nga cumi cumi yene iya uzombozi cuze nupya yavunda. Lola, iviseekwa vimwi vya mwenemo aivi.

Mpendwa 14:8

Yawe ndi watemwa angatwingizya mu mpanga ilya nu kuipeela kunotuli. Impanga ilya ikulu nupya ivunde cuze.