Mpendwa 15:39 - Amazwi Yakwe Leza 2013

³⁹ Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Mpendwa 15:39 交叉參考

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Mapinda 28:26

Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Yobo 31:7

Ingazo zyane ndi cakuti zyatazile izipumba inzila, na manso yane ndi yatazile iyatwala umwenzo wane ku kuluvyanya, nanti iminwe yane ndi cakuti yatazile ikowela ku vyakulemalema.

Malango 29:19

Musininkizye ukuti pali mwemwe mwensi, mwemuno mwatimwimilila pano ilelo pataya nanti wenga uwakuisomba ukuti alaikala sile ningo ukwaula intazi nanti angala wene wacita ivyaucintuvwa wakwe. Owe mwe! Ale lyene wiyo alaleta ulupekeso ku muntu umusuma nu ku mwipe kwene.

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Malango 6:12

muce mutekele pano limwi mungazana ukuti mwilila Yawe uwamufumizye mu Eguputo, muno mwali azya.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Malango 8:11

“Musininkizye ukuti mutilila Yawe Leza winu. Mutaposiwa kuyela isunde lyakwe lili lyonsi pa masunde yakwe yano nkumupeela ilelo.

Malango 8:14

muce musininkizye ukuti mutakaye ni cilumba nga mwilile Yawe Leza winu wino wamufumizye mu Eguputo, muno mwali azya.

1 Yamwene 12:33

Alino pa wanda walenga ikumi na yasano mu mwezi wakwe cinani, umwezi uno umwisikulu wasolwile, Yeloboamu aya ku Betele nga apeela impolelwa pa kavuwa apa kuzevya uzevyo uno wateyanyizizye antu aina Izlaeli.