Mpendwa 14:5 - Amazwi Yakwe Leza 2013

⁵ Lyene Mose na Aaloni yafukama pansi yafupime pa manso yi umba lyonsi lya ina Izlaeli, ilyakongine.

Mpendwa 14:5 交叉參考

Mpendwa 16:4

Lino Mose uvwa afukama pansi afupime.

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Mpendwa 16:45

“Funtuka ku antu yaa kuti njonone yonsi pyu likwene!” Nga yonsi yoili yafukama pansi yafupime.

Ezekelo 9:8

Nga lino yakukomola antu, nemo ne Ezekelo nsyala nimilile sile nenga. Awe mukwai niza naifwanta icinzamba pansi ufupime, indila inti, “Kalanda we Yawe, uzye icani cino wasokela umusumba wa Yelusalemu, cakuti ukomole aina Izlaeli yonsi yano yasyala mu mpanga ii?”

1 Milandu 21:16

Davidi asanzula amanso nga alola umungeli wakwe Yawe aimi pakasi ki yulu ni nsi, ala alemile nu lupanga umwi kasa lyakwe nu kulusonta ku Yelusalemu. Lyene Davidi na ikolo yamwi, azwite insalu zyakulanga ulanda, yafupama pansi.

Yoswa 5:14

Nawe amwaasuka ati, “Awe, insi ku lusansa ululi lonsi! Nemo indi pano wakwe musika mukalamba uwa vita vyakwe Yawe.” Yoswa afukama pansi afupime, nga akomela na makufi ati, “Musambazi, nene muzya kunuli. Uzye lyene icani cino ukulonda kuti incite?”

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Utandiko 17:3

Lyene Abulamu afukama pansi afupime, nga Leza amunena ati,

Umbwilo 7:11

Angeli yonsi iimilila kuzinguluka cilimba ca wene, nu kuzinguluka aikolo nga ni viumbwa vyaumi vini. Alino yafukama nu kukontamika ivinso vyao nkolelo ya cilimba ca wene, yapepa Leza yati,

Umbwilo 5:14

Lyene viumbwa vyaumi vini vyasuka viti, “Ameni!” Alino aikolo yafukama nu kupepa.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Mateo 26:39

Apita katalamukila panono, afukama pansi ainime, nga apepa ati, “Tata ndi cingaya, leka ulwako luu lwa ucuzi lusisiwe kunondi. Kusi kulonda kwane, lelo kulonda kwako kucitike.”

Danieli 10:9

Lyene lino nuvwile izwi lyakwe, impona pansi umu tulo utukulu, ala nu usyu wane ulozizye pa musili.

1 Yamwene 18:39

Antu yonsi aweni kweneko yapona pansi, nga yavwanga yati, “Yawe ali Leza! Yawe ali Leza!”

Yoswa 7:10

Alino Yawe anena Yoswa ati, “Si katuka! Uzye icani cino ufupime pansi mu musango ndi uwo?

Mpendwa 14:6

Nga Yoswa umwana umonsi wakwe Nuni na Kalebu umwana wakwe Yefune, yao ali pali yano yaile ku kwendezya impanga, iyalepula vyakuzwala vyao pakulanga ulanda,

Mpendwa 20:6

Awe mukwai Mose na Aaloni ali pakusya iuvi lyonsi nu kulungama ku mulyango wi Taalu lya Ukongano nga yafukama pansi yafupime. Nga alino ucindami wakwe Yawe iuyalolekela.

Mpendwa 17:10

Yawe anena Mose ati, “Swilizya intuwa yakwe Aaloni uyike pa nkolelo ya Mbokosi ya Upangano. Ali pano iyasungilwa pakuti aina Izlaeli yace yaiusya lyonsi ukuti ndi yantalamila, yacita impanzela, yalafwa.”