Mpendwa 14:34 - Amazwi Yakwe Leza 2013

³⁴ Mulacula pamulandu wi iifyo linu amanda amakumi yani, nu wanda onga mu manda yalya yano mwaile mwendezya impanga, ukwimilila umwaka onga. Ali pakuti mukacilole, mukasambilile vino kuvunukwa na Yawe kwaya!

Mpendwa 14:34 交叉參考

Ezekelo 4:6

Lino waca wamala amanda yao, ulaswilizya ukulala pansi, kuli kambazo wikasa lilunji. Alino nupya ukaitwike iifyo lya ng'anda yakwe Yuda, apa manda amakumi yani. Apakukupimila amanda yaa, natimpenda umwaka onga wa wanda onga.

Mpendwa 13:25

Lino papita sile amanda ikumi na yani, antu yaya iyawela ukufuma ku lwendo lwa kwendezya impanga.

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Ayebulai 4:1

Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.

Masamu 95:10

Apa myaka amakumi yani umukulo ulya wansosizye, usuka umvwangula inti, “Ala mutundu we nizewanya! Mwakana ukuvwa ukunzila zyane!”

2 Milandu 36:21

Acino fwandi icintu cino Yawe wavwanga ukupitila muli yakasema ali wakwe Yelemiya, casusile cafikiliziwa icikati, “Impanga yi ilasunga Isabata apa nsita yonsi ino ilikala iyononeke mpaka ikasuke ikasyukile ukupuza kwi Sabata, myaka amakumi cinimbali isuke ipite.”

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Zakaliya 11:10

Apali pakutoola intuwa yane, Cikuku, naikontola paili pakonona upangano uno napangana na antu ya mitundu yonsi.

Ezekelo 14:10

Uvunuko ulaya uli umwi kuli kasema wiyo kumwi na wiyo aile ku kuuzya kunoli.

Masamu 105:42

Pano wiusyanga ulayo wakwe uwamuzilo uno wanenyile Abulaamu umuomvi wakwe.

Masamu 77:8

Uzye lyene wata ukutemwa? Uzye lyene ulayo wakwe utaciomba?

Masamu 38:4

Uyi wane wati unduta, wati untuwizya mwi ziya lya maifyo yane. Vyati vintotomezya pansi pamulandu wakunyoma kwaviko.

1 Yamwene 8:56

“Lumbanyini Yawe, wiyo uwapile antu yakwe aina Izlaeli ukwikala ku matwi cele ndi muno we mweneco walavile. Awewe wasunga ulayo wako onsi utaizipila, vino walavile umuomvi wako Mose.

Mpendwa 18:23

Ali cino fwandi aina Levi yatupu aliyo yalaomba umulimo wa mwi Taalu lya Ukongano na vyonsi ivilaluwana mwenemo ali yano yalapeelwa mulandu. Ni sunde lilyo lilaya ilya manda yonsi ku ana yako alakulondela pa nsizi.

Aina Levi 20:19

“Monsi ndi walongozya na nyinasenge, oili yalinzile ukulipa pamulandu wi siku.

Milimo 13:18

na pa myaka makumi yani ala akuyasunga mu lwanga.

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Ezekelo 4:5

Nakupimila mpiti amanda yi iifyo lyao. Ulasenda iifyo lya ng'anda yakwe Izlaeli apa manda imyanda itatu na makumi fundimbali (390).

Mpendwa 32:13

Yawe wasokile aina Izlaeli nga aleka yalulumba mu lwanga pa myaka amakumi yani, mpaka inkulo yonsi ino itamuzanzizye ifwa.

Yoswa 14:10

Ali cino ukufuma lili kwene Yawe wansunga umutende wakwe vino walavile. Patipapita imyaka amakumi yani na isano ukufuma lino wene wavwanzile cico kuli Mose, pa nsita ino aina Izlaeli yali pa lwendo mu lwanga. Ndakai ndi wati ulole, nemo indi ni myaka amakumi cinani na isano.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Oseya 9:12

Nanti angala yene yangavyala ana, ndayonona, kusi umwana nanti wenga alasyala umumi. Kalanda kuno yali lilyo lino ndayafutatila.