Mpendwa 14:18 - Amazwi Yakwe Leza 2013

¹⁸ ‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Mpendwa 14:18 交叉參考

Masamu 145:8

Yawe uwakutemwa nupya wazula amizu. Akalengela ukusoka nga wakwatisya amizu.

Yona 4:2

Acino Yona apepa kuli Yawe ati, “Iye, we Yawe, uzye ntalanzile vikwene lino nali kumwitu? Uli mulandu uno nacincile ukuutukila ku Tasisyi. Namanyile vino wewe Leza wa mizu nu wa luse, wino asisoka zuwa nupya akatemwa wakwe cimwi, Leza asisimwilila ku kuponya ivilumbelo.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Masamu 103:8

Ala Yawe uwaluse uwa cikuku, asisoka zuwa, wavulisya ulukundo.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Malango 5:9

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Loma 5:21

Caleka ndi vino iifyo lyateekanga kupitila mu mfwa, avino ni cikuku cakwe Leza kwene cikayateeka kupitila mu kuyacita kuya aololoke pa manso yakwe Leza, nu kuyatungulula ku umi wape muli Yesu Klistu, Mwene witu.

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Mpendwa 14:17

Caleka ndakai, we Yawe, napapata, si langizya maka yako nu kucita vino walavile lino wavwanzile uti,

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Malango 7:10

Lelo atalasitoka ku kuvunuka yao amupata.

Neemiya 9:17

Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 108:4

Ukutemwa kwako ukusisila kwafika nu mwiyulu, icumi cako cafika nu mu makumbi.

Masamu 109:14

Sangala Yawe aiusya uyi wakwe isi, nu uyi wakwe nyina utakatale uwelele.

Yobo 21:19

Mwemo mukavwanga imuti, ‘Leza alavunuka ana pa maifyo ya akwasi yao!’ Ala asi avivyo foo. Lelo Leza alavunuka umuntu mwipe, pakuti umwisikulu amanye ukuti Leza aliwe akavunuka yakaifya.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Nyimbo zya ndosya 5:7

Ivikolwe vitu vyaifizye, lelo pali ndakai visipo, nga naswe tukuculila apa maifyo yao.