Mpendwa 13:26 - Amazwi Yakwe Leza 2013

²⁶ Yiza yazana Mose na Aaloni pamwi na ina Izlaeli yonsi pa Kadesyi mu Lwanga lwa Palani. Kuku kwene yayalondolwela vyonsi vino yaile yalola nga iyayalanga ni viseekwa vya mpanga ilya.

Mpendwa 13:26 交叉參考

Mpendwa 32:8

Nupya vivyo kwene avino na yaso yacisile lino nayatumile ku kwendezya impanga, ala tuli ku Kadesyi Banea.

Mpendwa 20:1

Umu mwezi wakutandika aina Izlaeli yonsi yafika mu Lwanga lwa Zini nu kukuula insakwe ku Kadesyi. Kuku ali kuno Milyamu wafwilile nu kuzikwa kweneko.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Mpendwa 33:36

Iyasya Ezioni Gebeli iyaya yakuula insakwe ku Kadesyi, mu Lwanga lwa Zini.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Yoswa 14:6

Lyene antu amu mutundu wakwe Yuda yiiza kuli Yoswa ku Giligali, nga Kalebu umwana wakwe Yefune umwina Kenizi amunena ati, “Umanyile cino Yawe wanenyile Mose umuntu wakwe Leza ku Kadesyi Banea ica pali wewe nani.

Utandiko 14:7

Lyene iyasenuka iza ku Kadesyi (kuno yamanga yati Enimisipati, kuli kuti kafukoka ka uputuzi) yacimvya impanga ilya yonsi ya ina Amaleke ni ya ina Amoli atenzi mu Hazazoni Tamala.

Mpendwa 13:25

Lino papita sile amanda ikumi na yani, antu yaya iyawela ukufuma ku lwendo lwa kwendezya impanga.

Mpendwa 20:14

Ukufuma ku Kadesyi Mose atuma inkombe ati, “Ku musambazi, umwene waku Edomu, munyonko Izlaeli wavwanga ukuti wamanya mpiti ningo sana amasyamo yonsi yano yatuponela.

Malango 1:2

(Cikasenda amanda ikumi na onga ukupita ulwendo ukufuma ku Mwamba wa Holebu ukuya ku Kadesyi Banea ku nzila ya mpanga ya Edomu, ya myamba.)

Masamu 29:8

Izwi lyakwe Yawe likupunganya imitengo, umwene akupunganya ulwanga lwaku Kadesyi.

Mpendwa 13:3

Acino api lamulo lyakwe Yawe, Mose nawe ali pa kuyatuma kutandikila sile ku Lwanga lwa Palani. Yonsi yali intunguluzi zya ina Izlaeli.

Mpendwa 32:9

Pacisila cakutumbela impanga ilya suka iyafika nu ku Cifoloma ca Esyikoli, yalola vino impanga ili, yene yatovwile aina Izlaeli, ukukana ingila mu mpanga ino Yawe wayapile.

Yoswa 14:7

Nali ni myaka amakumi yani lino Mose umuomvi wakwe Yawe wantumile ukufuma ku Kadesyi Banea ku kwendezya impanga. Nga nani namulandile ivisinka vyonsi wakwe vino cali.