Mpendwa 13:22 - Amazwi Yakwe Leza 2013

²² Yapuzinkanya ukuya pita ku Negebu nu kwizafika ku Hebuloni, ukwikalanga Aiimani, Syesyai, na Talimai, amu mupanda wakwe Anaki. (Musumba wa Hebuloni wakuzilwe imyaka cinimbali lino umusumba wa Zoani uwamu Eguputo utali ukuulwe.)

Mpendwa 13:22 交叉參考

Masamu 78:43

vino wacisile umu Eguputo uku citungu caku Zoani.

Masamu 78:12

Leza wacisile ivizungusyo apa manso ya vikolwe vyao, umu citungu caku Zoani, ica mpanga yaku Eguputo.

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Ezaya 30:4

Nanti angala inkombe zyao zyatizifika mpiti umu musumba wa Zoani na Hanesi mu mpanga ya Eguputo,

Yakapingula 1:10

Nupya iyaya iyalwisya aina Kenani aikalanga mu musumba wa Hebuloni uno yamanga yati Kilyati Aliba. Kuku akuno yacimvizye inko zyakwe Syesyai, Aiimani na Talimai.

Ezaya 19:13

Intunguluzi zyonsi zyamu Zoani zyatizisanguka iviwelewele, nga ni vilolo vyaku Memfisi vyasombwa. Yayo akatungulula aina Eguputo yaponzya impanga yao.

2 Samueli 2:11

Utali wa nsita ino Davidi wateesile umutundu wakwe Yuda umu Hebuloni cali imyaka cinimbali ni myezi mutanda.

2 Samueli 2:1

Pacisila ca nsita imwi, Davidi auzya Yawe ati, “Uzye nje inkateeke umusumba onga pa misumba ya mpanga yakwe Yuda?” Yawe nawe aasuka ati, “Ee, yanga.” Davidi nawe auzya ati, “Uzye ungaya umusumba cii?” Yawe nawe aasuka ati, “Umusumba wa Hebuloni.”

Yoswa 21:13

Amu mupanda wakwe Aaloni simapepo yalinzile kupelwa Hebuloni (umusumba wa kuzinamo umuntu wino yapela umulandu wa katwe), nga nu musumba wa Libina,

Mpendwa 13:33

Twaweni mwenemo na makonta, amakonono ya antu, amu mupanda wakwe Anaki. Mu kuloleka twalolike kwati sweswe vikwe, nga nu mu manso yao mu cumi ali vino twalolekanga.”

Mpendwa 13:17

Pa kuyatuma ku kwendezya impanga yaku Kenani, Mose ayanena ati, “Pitini mulemele ku Negebu alino mutumbele impanga ya myamba.

Utandiko 23:2

Wafwilile ku Kilyati Aliba (kuli kuti Hebuloni) mu mpanga ya Kenani. Lyene Abulaamu aingila mu ndosya nu kulila impoma.

Utandiko 13:18

Caleka Abulamu asama, aya aikala pipi ni miti yamuzilo ya Mamule ku Hebuloni, kuno wakuulile Yawe kavuwa.

Mpendwa 13:28

Lelo kwene antu akaikala mwenemo aamaka cuze. Ni misumba yao iikulu cuze nupya izingulusye amalinga. Kuluta pali vii, twaweni amu mupanda wakwe Anaki.

Malango 9:2

Antu aya mwenemo yakwata amaka nupya ivipombolo. Yayo ali ina Anaki. Mumanyile ivya pali aliyo nupya muvwa kuno vyalandwa ukuti kusi nanti wenga angalwisya aina Anaki.

Yoswa 10:36

Lyene Yoswa na ina Izlaeli yonsi iyafuma ku musumba wa Egiloni iyaya ku musumba wa Hebuloni nga iyauzanza.

1 Samueli 30:31

na ina Hebuloni, nga na kuli yao amu ncende zyonsi muno Davidi na antu yakwe yapitananga.

2 Samueli 21:16

Nga cililumba cimwi cino yamanga yati Isyibibonebu, wenga uwamu mupanda wakwe Lafa, icasenzile isumo ilyakweti icilimi ca mukuwa icanyomile ukulingana na makilogalamu yatatu na citika nupya icanyinyinyinzye ulupanga ulupya mu musana wakweco, icelenganya ukuti cingakoma Davidi.