Mpendwa 13:20 - Amazwi Yakwe Leza 2013

²⁰ Mulole impanga vino ikuloleka, ndi ya muvundo nanti foo, ndi ya miti nanti foo. Muombesye pa maka cakuti mukawele ni viseekwa vya mpanga ilya, vimwi vimwi.” (Insita kwene iya yali iya viseekwa vya nkolelo vya matingi.)

Mpendwa 13:20 交叉參考

Malango 31:23

Lyene Yawe apeela ilamulo lii kuli Yoswa umwana umonsi wakwe Nuni, ati, “Uposye nupya uzyansye. Pano wewe uli nu kutungulula aina Izlaeli ku kupoka impanga ino nayalavile nu mulapo, nga nani namayanga nawe.”

Ezekelo 34:14

Ndazicemela umwaya umulemvwe usuma, mu myamba nu ku nguzi nu mu mpanga zyonsi zya mulemvwe, izyaya mu mpanga ya Izlaeli.

Neemiya 9:35

Lino yali umu mpanga yao isalale ino wayapile, iyo iyali ivunde, ivyuma vya mwenemo ala vili mbwee, lelo nalyo kwene yaposiwe ukuzenzuka nu kukutumikila.

Neemiya 9:25

Yapokolwile imisumba ya malinga, ni mpanga ivunde, amang'anda ni nkoma zya vyuma. Yapokolwile ni vifula vino yimba calimwi, imiolivi, imiti ya viseekwa, ni vyalo vya matingi. Yene yalyanga yikuta nga lyene pasi pakwina. Yene yailyokezyanga ivintu ivisuma vyonsi vino wayapile.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Mika 7:1

Ala ncule mwe! Nemo indi wa muntu ali ni nzala wino afumile akusokota amatingi umu calo lelo ukwaula kuzana nanti cimwi cakulya. Nupya kutasile nanti amasamvu yano watemilwe.

1 Milandu 22:11

Davidi atwalilila ukuvwanga ati, “Acino mwanane, si Yawe aye nawe, kuti uye nu longo nga ukuulile Yawe Leza wako Ng'anda ikulu, ndi muno wene walandile.

Yoswa 2:3

atuma inkombe kuli Laabu ku kumunena ziti, “Fumya aonsi yano yatiyiza ukwako uyalete kuno, pano yene yatiyiza ku kwendezya impanga ii yonsi.”

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 1:6

Uposye nupya uzyansye. Pasi pano awewe ulalenga antu yaa ukwikala mu mpanga ino nalavile kupeela ku vikolwe vyao.

Malango 1:25

Yatuletela iviseekwa vimwi vino yazanyile kuku, nga yatunena ukuti impanga ino Yawe akutupela yavunda wakwe cimwi.

Mpendwa 13:19

Mulole impanga ino yakaikala mwenemo vino ili, ndi cakuti isuma nanti iipe. Ni misumba ino yakaikala mwenemo ndi ili pa mbiliwili nanti yazingulusya amalinga.

Malango 1:24

Antu yaya yatumbela impanga ya myamba, nga yafika ku Cifoloma ca Esyikoli nga iyacendezya.

Danieli 11:24

Wene alazanza umuputule wa mpanga imwi umu kwiukizya nupya alacita ivintu vino kusi nanti wenga umu vikolwe vyakwe uwatazile acita. Lyene alankanya visampwe ni vyuma kuli yayo akamulondela. Nupya alumana akapi na yamwi kuti alwisye imisumba ya malinga, lelo atalaya ni nsita ikalamba yakucita cico.

Yoswa 2:1

Lyene Yoswa, umwana wakwe Nuni, mu umfisolo atuma inengu ziili ukufuma ku nkambi yaku Syitimu. Ayapeela ilamulo kuti yaye yakendezye impanga ya Kenani mu umfisolo, makamaka umusumba wa Yeliko. Caleka inengu zizi izipita zizana indo mumu ng'anda yakwe Laabu cizelele.