Mpendwa 12:5 - Amazwi Yakwe Leza 2013

⁵ Lyene Yawe ali pa kwika mu mvumba yi kumbi nu kwimilila pa mulyango wi Taalu. Alino aama Milyamu na Aloni, nayo yapalama kunoli.

Mpendwa 12:5 交叉參考

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

Kufuma 34:5

Lyene Yawe aika mwi kumbi, aimilila pipi na Mose alino alumbula zina lyakwe lyakuti Yawe.

Masamu 99:7

Yalandanga nawe umu kwimba, nga nayo yatontelanga amasunde yakwe yano wayapeelanga.

Kufuma 40:38

Mu nsita ya kululumba kwao konsi, aina Izlaeli yalolanga ikumbi lyakwe Yawe papela yi Taalu mu nsita ya musanya, alino mu nsita ya usiku yalola umoto ukwaka papela yi Taalu.

Kufuma 19:9

Lyene Yawe anena Mose ati, “Namaiza kunuli mwi kumbi linyome pakuti antu iize yayuvwile kuno nkulanda nawe, na pakuti lyene yakutaila amanda pe.” Lyene Mose anena Yawe vino antu yaasuka.

Mpendwa 12:4

Nga lilyo kwene Yawe anena Mose, Aaloni na Milyamu ati, “Izini mwensi yatatu mulungame mwi Taalu lya Ukongano.” Caleka yonsi yatatu iyaya.