Mpendwa 11:17 - Amazwi Yakwe Leza 2013

¹⁷ Nani namaika nu kwiza landa nawe kukwa. Nupya indi nu kwiza tola mupasi uwaya pali wewe nu kuyapeela nayo kwene. Fwandi ali yano yamasendanga pamwi nawe icisendo ca mutundu uwo. Usikuyanga wenga pa kucisenda awe.

Mpendwa 11:17 交叉參考

1 Samueli 10:6

Umupasi wakwe Yawe umaya ukikile panuli na maka, nga nawe wayatandika ukusema pamwi nayo. Wayasanguka sile umuntu umwi muzemuze.

Mpendwa 11:25

Alino Yawe nawe aika umwi kumbi nu kulanda nawe. Ali pakutoola ku mupasi uwali pali Mose, nu kuwika pa ikolo yayo amakumi cinimbali. Lyene lino mupasi wikala panoyali, iyasema. Lelo yatatwalilile pa nsita ntali.

1 Kolinto 2:12

Swemo tutapokelela mupasi uwafuma muno nsi. Lelo twapokelela Mupasi Wamuzilo kufuma kuli Leza, pakuti atwazwe tumanye vyonsi vino Leza watupela.

2 Yamwene 2:9

Lino yalamba, Eliya anena Elisya ati, “Unene, uzye icani cino ningakucitila lino ntali nsendwe ukufuma kunuli?” Elisya nawe aasuka ati, “Umpeele amaka yamwi akuti inje vino waya.”

Yowelo 2:28

“Apacisila ca nsita imwi, uwanda wakwe Yawe ulafika, lino ndapongolwela Mupasi wane pa antu onsi, Ana inu aonsi na anaci yalasema, na ikolo yalalota viloto, na ana inu alumendo yalalola vilolwa.

2 Yamwene 2:15

Iumba lyakwe yakasema afumile ku Yeliko yalola kuno Elisya akulamba, nga yavwanga yati, “Amaka yakwe Eliya yingila muli Elisya.” Alino yaya ku kumukomanya, nga yakontamika ivinso vyao inkolelo yakwe Elisya.

Loma 8:9

Lelo musilondela vino mwili ukamunena kucita lelo mukalondela vino Mupasi Wamuzilo akamunena kucita pano Mupasi Wamuzilo akaikala munomuli. Lelo umuntu wino atakweti Mupasi wakwe Klistu, wene asi wakwe Klistu.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Kufuma 18:22

Leka yaa yapingula imilandu amanda yonsi. Yangaleta sile imilandu ikome kunuli. Lelo tumilandu tunono aliyo yapingula. Mu musango uu, utalaombesya ndi waleka kuti yakwazwa.

Yuda 1:19

Yaa, ali antu akamupaatukanya, akatungululwa ni vya lunkumbwa lwa civyalilwa cao, nupya yasi na Mupasi Wamuzilo.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Mpendwa 12:5

Lyene Yawe ali pa kwika mu mvumba yi kumbi nu kwimilila pa mulyango wi Taalu. Alino aama Milyamu na Aloni, nayo yapalama kunoli.

Kufuma 19:20

Yawe aika pa Mwamba wa Sinai papela, nga aama Mose kuti aye papela pa mwamba.

Utandiko 11:5

Lyene Yawe aika ukufuma kwiyulu kwizalola umusumba nu lupungu luno yakukuula,

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Mpendwa 27:18

Caleka Yawe anena Mose ati, “Tola Yoswa umwana umonsi wakwe Nuni, wiyo ali nu mupasi, umwikepo amakasa.

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Kufuma 34:5

Lyene Yawe aika mwi kumbi, aimilila pipi na Mose alino alumbula zina lyakwe lyakuti Yawe.

Kufuma 19:11

Lyene yaiteyanye pa wanda uwalenga yatatu. Pa wanda kwene uwo, ne Yawe indiika pa Mwamba wa Sinai, lino antu yonsi yakulola.

Utandiko 18:33

Lino Yawe wamala kulanda na Abulaamu, apita amusya, nga Abulaamu nawe aswilila ukwakwe.

Utandiko 17:22

Lino Leza wamala kulanda na Abulaamu, afumapo amusya.

Utandiko 17:3

Lyene Abulamu afukama pansi afupime, nga Leza amunena ati,

Kufuma 18:18

Umatontanga zuwa pamwi na antu yako kwene. Milimo kwene ii, ikulu kuluta maka yako, nupya utangaomba wenga.

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?

Mpendwa 7:89

Lino Mose wingile mwi Taalu lya Ukongano ku kulanda na Yawe, wene uvwile izwi ukufuma pakasi kakwe yakelubi, papela ya ntupiko ya Mbokosi ya Upangano, ala likulanda kunoli. Nga nawe avwanga na aliwe.