Milimo 7:2 - Amazwi Yakwe Leza 2013

² Sitivini aasuka ati, “Inane na yatata, uvwini kunondi! Leza wa lulumbi walolike kuli Abulaamu cikolwe citu, lino wikalanga ku Mesopotamya, ala atali aye ku kwikala ku Halani,

Milimo 7:2 交叉參考

Utandiko 11:31

Lyene Tela asenda Abulamu umwana wakwe umonsi na Loti umwizikulu wakwe nupya umwana wakwe Halani, na Salai umuci wakwe Abulamu, uwali a nyinavyala nga iyatenuka mu musumba wa Uli mu mpanga ya Kalideya, yapita ukuya ku mpanga ya Kenani. Lelo lino yafika ku Halani, akuno yikala.

Milimo 22:1

“Inane na yatata, uvwini kunondi lino inkuivwangila kunomuli!”

Masamu 29:3

Izwi lyakwe Yawe likuvwika pali yayemba. Leza wa lulumbi, umucindami akupangalansya, Yawe akuuvwika wa kupanta kwa mvula pali yemba mukulu.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Neemiya 9:7

We Yawe Leza awewe wasolwile Abulamu. Wamufumizye ku mpanga ya Uli uku ina Kalideya, umupela ni zina ilipya lyakuti Abulaamu.

Utandiko 15:7

Lyene Yawe anena Abulamu ati, “Nene indi Yawe wino wakufumizye ku Uli mu mpanga ya ina Kalideya, kuti nkupele impanga ii iye iyakwako.”

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

1 Kolinto 2:8

Kusi kateeka nanti umwi uwamanyile cimwi pa mano yaa. Ndi yakateeka yamanyile mano yaa, yatange yatane Mwene wa lulumbi pa lupanda.

Milimo 23:7

Zuwazuwa lino wavwanzile cii, Afaliseo na Asaduki yatandika ukulemanila, nga ni umba lipaatukana paili.

Yoane 12:41

Ezaya wavwanzile vii, pano waweni lulumbi lwakwe Yesu nga avwanga pamulandu na aliwe

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Masamu 24:10

Uzye fwandi Umwene walulumbi kwene wiyo aweni? Yawe Wamaka yonsi, ali Mwene wa lulumbi.

Masamu 24:7

Yulikini mwe mpongolo, yulikini mwe milyango yampiti, kuti umwene walulumbi aingilemo.

Yoswa 24:2

Alino Yoswa anena antu yonsi ati, “Yawe, Leza wa ina Izlaeli, watavwanga ati, ‘Mpiti mpiti, ivikolwe vinu, ukwikapo na Tela isi wakwe Abulaamu na Nawoli, yatenzi ku mbalama ya Luzi lwa Yufulate nupya yatumikilanga tuleza tuze.

Utandiko 29:4

Yakobo auzya yakacema ati, “Yacuza yane, uzye mufumile kwi?” Yakacema yaasuka yati, “Twafuma ku Halani.”

Utandiko 12:5

Abulamu asenda Salai umuci wakwe, na Loti umwana wa mwina, nga yasenda ni vyuma, na azya, na vyonsi vino alanga walonka mu Halani. Alino iyatenuka iyaya ku mpanga ya Kenani. Lino yafika ku Kenani,

Utandiko 12:1

Lyene Yawe anena Abulamu ati, “Fuma mu mpanga yakumwinu, usye akazi kako, na amu ng'anda yakwe so, upite uye ku mpanga ino namakulanga.

Ezaya 37:12

Ivikolwe vyane ali vino vyononyile umusumba wa Gozani, Halani, na Lezefu nga ukwikapo nu kulovya aina Edeni yano yikalanga mu Telasala. Nu tuluwi tuleza twa antu ya mpanga ilya, twaposiwe kuyatuula.

Milimo 7:1

Simapepo Mukulu auzya Sitivini ati, “Uzye vii vya cumi?”

Efeso 1:17

nu kuuzya Leza wa Mwene witu Yesu Klistu, Tata uwa lulumbi, kuti amupeele Mupasi Wamuzilo. Wiyo alalenga kuti mwemo muye na mano nupya alasokolola Leza kunomuli, pakuti namwe mungamumanyikisya.

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.

Yakobo 2:1

Inane, mwemo mwataila muli Yesu Klistu Mwene witu uwa lulumbi. Acino mutalinzile kukwata kasoozi pa antu kulingana na vino yakaloleka kunzi.