Milimo 5:9 - Amazwi Yakwe Leza 2013

⁹ Caleka Petulo amuuzya ati, “Uzye pacani wemo nu wako mwati musolola kwezya Mupasi wa Mwene? Antu yano yafuma kukuzika uwako ndakai yali pa mulyango, nga nawe kwene yamakufumya yakusende!”

Milimo 5:9 交叉參考

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.

Masamu 78:56

Nga nalyo kwene yasangukile Leza Mukulu yamamusonsomba sile. Iyakana nu kutontela amasunde yakwe.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Milimo 15:10

Caleka, uzye pacani mukwezya Leza pa kutwika cisendo pa nsizi zya ina Klistu Akulukuwa, cino vikolwe vitu nanti sweswe twaposiwa kusenda?

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Mateo 4:7

Yesu aasuka ati, “Na cikwene calembwa mu malembelo cati, ‘Utaezya kutunka Mwene Leza wako.’ ”

Mika 7:3

Yene a yafundi apakucita iviipe. Intunguluzi zikalenga amawila, na yakapingula nayo yakalonda amafukakanwa. Antu yamaka nayo yanena antu iviipe vino yakasi. Avili vino yene yakaumana akapi.

Mapinda 16:5

Yawe wapata umwenzo wacilumba, tutangatwisika palwa kupeziwa kwakwe.

Mapinda 11:21

Cumi kwene, antu aipe yalavunukwa, lelo yayo akacita vyaololoke Leza alayatuula.

Masamu 50:18

Mwemo mukati nga mwalola umwivi, ala waya ali cuza winu. Nupya yacizelele ayano mukapita nayo lyonsi.

2 Yamwene 6:32

Pa nsita kwene ilya walanga Elisya atenzi pansi mu ng'anda yakwe, nga na ikolo ala yatenzi pamwi na aliwe, lyene umwene wilya atuma wenga uwamu nkombe zyakwe kuti amukolelele. Lelo lino inkombe ilya itali kuti ifike kuku, Elisya anena aikolo yalya ati, “Uwi, si lolini vino inkomi ilya yatituma umuntu wakuti aize amputule umutwe. Fwandi ndi cakuti umuntu wilya wafika, lilyo kwene mwemo mwize muyale sile icisasa nupya mutaleka aize aingile muno. Umwene nawe kwene wasya amulondelele pacisila.”

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Kufuma 17:7

Cifulo cici yacitemela izina yati Masaa na Meliba (Kuli kuti Amezyo nu kuilizyanya) pamulandu wakuti aina Izlaeli yailizyanyizye kuli Mose nu kwezya Yawe lino yuzizye yati, “Uzye Yawe ali naswe nanti foo?”

Kufuma 17:2

Caleka yailizyanya kuli Mose yati, “Tupele amanzi yakumwa.” Mose avwanga ati, “Uzye pacani cino mukuilizyanya? Uzye pacani cino mukwezya Yawe?”

Loma 10:15

Uzye yangakosolelwa uli ndi umwi atatumilwe? Ndi vino calembwa mu malembelo cati, “Lolini vino cazipa kulola ingazo zyakwe yao akwiza ku kukosola Ilandwe Lisuma!”

Milimo 5:6

Alino alumendo iiza iingila mu ng'anda, yapomba icala cakwe mu nsalu, yafumya yaya yazika.

Utandiko 20:13

Caleka lino Leza wanenyile ukufuma ku akazi kane ukuya mu masi, nanenyile Sala nati, ‘Pakulanga kuyela kunondi ufwile walanda konsi kuno twaya ukuti nene kalume wako.’ ”